Home Social Hopi mayor  preocupa ora nan yiu yega etapa di pubertad

Hopi mayor  preocupa ora nan yiu yega etapa di pubertad

25
0
SHARE
- Advertisement -

Experto Corina Linssen a laga sa

ORANJESTAD  (AAN):  Corina Linssen, coordinadora di Tienda di Educacion a duna di conoce den entrevista cu DIARIO cu nan ta wordo acerca pa mayornan pa haya conseho tocante educacion di nan yiu.

Un di e topiconan cu mas tanto tin preocupacion di e mayornan ta ora e mucha ta yega na su etapa di pubertad, esta 9 aña bay ariba. “E fase ey ta mas complica. Bo yiu ta cambia, nan ta mas independiente, nan mes ta wordo laga los un tiki mas. Pero na otro banda, nan ta mas vulnerable”, Linssen a señala.

Den e etapa aki e muchanan ta bezig cuestionando ken nan ta, kico nan ta opina, cual amigo ta mas pega cu nan, etc. Tur cos, tanto pafo (fisico) como paden ta cuminza haya un cambio.

Tin biaha e mayornan ta perde nan caminda, e experto a indica. E desaroyo ta bay asina lihe y nan ta kere cu e mucha ainda ta chikito y nan no ta ripara e cambionan. “E mucha ta bay discuti mas, nan ta bay pleita cu bo y tur e cosnan aki ta trece mas dificultad“.

Pesey ta constata cu esey ta e fase mas dificil pa e mayornan, segun e coordinadora di Tienda di Educacion.

Pa haya sosten, mayornan por yama 161 pa haya conseho gratuito door di expertonan di Tienda di Educacion of por haci afspraak via e number 588-7100.

Segun Corina Linssen, tin hopi mayor cu ta prefera di pasa personalmente pasobra nan kier wak e persona cu nan ta papia cun’e y esey semper ta posible. Ta bon pa yama adelanta. Den mesun siman cu bo yama bo lo haya un afspraak.

Tienda di Educacion no tin lista di spera. Nan tin tempo pa yuda tur esnan interesa, pero pa bo no perde bo tempo y sinta warda, yama y haci bo afspraak adelanta, el a remarca.

Nan ta habri di 8 am te 6 pm. Na telefon (161) por yama entre 8 am y 9 pm. Nan ta ubica na Belgiestraat 2, den e mesun edificio di Examen Bureau (patras di FCCA).

 

 

- Advertisement -

DUNA COMENTARIO

Please enter your comment!
Please enter your name here