Home Gobierno Huez den tratamento di caso a haya cu SADA no tin un...

Huez den tratamento di caso a haya cu SADA no tin un rol pa tuma decision

27
0
SHARE
- Advertisement -

ORANJESTAD (AAN) – Minister di Finanza y Economia, sra. mr. Xiomara Ruiz Maduro, a duna di conoce den conferencia di prensa tocante e caso sumario tocante e accion di trahadornan di Douane, cu durante e tratamento di e caso aki ATIA tambe a uni cu gobierno pasobra nan ta esnan cu tambe ta wordo perhudica cu e tipo di accionnan aki, y nan tambe a trece dilanti di Huez cual ta e dañonan cu nan a purba cuantifica, y cu nan ta haya ora e tipo di accionnan aki ta tuma lugar.

Nan a presenta esaki pa no solamente huez pero tur esnan envolvi, gobierno y sindicato compronde e consecuencianan di esaki.

Durante di e caso Huez a referi tambe na e hecho cu cada un di e partinan envolvi tin un trabao pa haci den e comunidad. Gobierno como poder ehecutivo di nos pais cu ta tuma decision, lo cual ta e Cuerpo cu ta ehecuta e trabao di Douane y na cabes den e parte herarhico tin un director y un management team cu ta esnan cu ta bin cu e maneho y con nan ta dirigi e operacion.

Tambe tin SADA cu su trabao ta sali na defensa di e trahador sigur na moment cu ta toca locual ta bira e salario y condicionnan bao di cual nan ta traha.

Huez aki a indica cu locual el a mira cu ta pasando y locual cu sindicato a trece dilanti, na su opinion e sindicato lo kier tuma decisionnan cu eigenlijk e director y e management team di Douane mester por tuma.

Huez a indica cu esaki no por pasobra cada un tin un responsabilidad: e minister di tuma un decision cual e director y management team tin e obligacion y e responsabilidad pa por cumpli cu e maneho aki cu nan tambe a yuda na formula pa por yega na e solucionnan necesario pa asina e decision tuma por wordo implementa corectamente.

Eynan, e Huez a bisa, cu e sindicato no tin un rol pa tuma decision. Y cu den e caso aki concretamente, den cambio di roster esaki ta un autoridad na discrecion di e leiding di Douane. Esaki ta en corto, segun e mandatario, e parti mas importante di locual Huez a trece dilanti.

- Advertisement -

DUNA COMENTARIO

Please enter your comment!
Please enter your name here