Home Comentario Iluminacion den henter Linear Park ta un necesidad grandi

Iluminacion den henter Linear Park ta un necesidad grandi

16
0
SHARE
- Advertisement -

Opinion publico:

ORANJESTAD  (AAN): Manera ta conoci hopi ciudadano, practicamente tur anochi ta haci uso di Linear Park, sea pa cana, subi bicicleta, bay keiro un rato cu baby riba stroller, etc., of uza tambe e aparatonan cu tin eynan, tambe pa ehercita e curpa.

Hopi hende ta combina sinta un rato den e mirador pa mira avion baha y subi, specialmente den oranan cu KLM ta yega y ora e ta subi, pasobra pa hopi y pa muchanan vooral ta un bunita espectaculo.

Pero ora atardi disparce por completo y anochi drenta e area henter ta den pleno scuridad. No tin iluminacion pa hendenan por cana trankil y hopi ta sinti insigur. Peligro pa trompica cay tey como tambe pa un hende cu mal intencion pasa ranca tas di otro cu ta canando. E hendenan cu ta cana no por percibi di leu ora un hende riba bicicleta ta biniendo y no ta un ni dos biaha pero constantemente, e peligro di accidente tey, y ya caba hende a yega di cay tambe pasobra no por wak su pianan ni mes ora ta cana of core.

Diferente opinion publico nos ta hayando e dianan aki tocante e falta di iluminacion riba Linear Park, cu pa hopi hende ta un gran necesidad y ta urgi pa haci algo al respecto.

 

- Advertisement -

DUNA COMENTARIO

Please enter your comment!
Please enter your name here