Home Comentario Informacion pa esnan cu ta cobra pension AOV di SVb Curaçao na...

Informacion pa esnan cu ta cobra pension AOV di SVb Curaçao na Aruba

39
0
SHARE
- Advertisement -

Remitido

Gobierno di  Corsou na aña 2016 a haci un cambio den ley y a redusi e pension cu 10% entrante januari 2017, pero solamente pa personanan cu no ta biba na Corsou, pero cu si ta cobra pension AOV di SVb Curaçao; ademas nan a elimina e bonus di pension entrante december 2016.

Na aña 2016 Centrale Raad van Beroep, instansia maximo na Utrecht-Hulanda pa trata leynan administrativo y di seguronan social, a reconose cu derecho riba AOV ta cai bou di derechonan di propiedad di articulo 1 di e tratado europeo di derechonan humano; na hulandes e yama Europees Verdrag voor de Rechten van de Mens (EVRM).

Ademas articulo 14 di EVRM ta prohibi pa discrimina, entre otro riba status.

Pa tal motibo nos tin cu bay Corte y laga Hues duna veredicto riba e desision tuma pa Gobierno di Corsou na aña 2016.

Pa lanta un caso den Corte, pensionadonan conserni mester uni pa ta mas fuerte para; tambe pa reparti gastonan mas hustu posibel cu tin pa un caso den Corte y cu lo benefisia tur pensionado.

Segun informacion di SVB Aruba tin mas cu 1000 persona  ta cobra pension AOV di SVb Curaçao biba na Aruba y pa medio di e comunicado aki ta haci un intento mas pa localiza e pensionadonan aki, p’asina uni forza y entama un caso contra Gobierno/SVb Curaçao.

Pa demostra cu no ta di acuerdo cu desision tuma pa Gobierno di Corsou y ehectua pa SVb Curaçao, registra via e siguiente e-mailadres:  fga.pietersz_@hotmail.com

Pensionadonan cu no tin e-mail por pidi otro persona pa reacciona den su nomber.

Na e momento aki tin 300 pensionado registra y e meta final ta pa yega na e mas cu 1000 pensionadonan biba na Aruba, cu tambe ta sufri e rebaho di 10% di nan pension desde januari 2017.

Mi ta conta riba Bo reaccion.

 

Farley Pietersz,

Aruba.

fga.pietersz_@hotmail.com

- Advertisement -

DUNA COMENTARIO

Please enter your comment!
Please enter your name here