Home Gobierno Intencion di Parke Marino ta pa proteha e biodiversidad presente na e...

Intencion di Parke Marino ta pa proteha e biodiversidad presente na e areanan

51
0
SHARE
- Advertisement -

Lo no tuma ningun decision sin scucha piscadonan prome

Minister Otmar Oduber:

ORANJESTAD (AAN): Den cuadro di informa comunidad y particularmente e gruponan preocupa cu introduccion di Parke Marino Minister di Desaroyo Teritorial, Infrastructura y Medio Ambiente Otmar Oduber ta splica e proceso cu ta encamina pa realisa esaki.

Dia 23 di juli a reuni cu grupo di piscadonan encabesa pa sr. Farro di Hadicurari hunto cu mas o menos 10 piscado, den cual a scucha nan inkietudnan. Despues di e reunion aki a dirigi un carta, a base di peticion di piscadonan pa formalisa e acuerdo di cu no ta bay tuma ningun decision sin scucha nan prome pa locual ta e maneho di e Parke Marino.

Esaki ta encera tur e reglanan cu lo bay bin, kico mag y kico no mag, Minister Oduber ta splica.

Den e carta cu a sali e siguiente dia a notifica tur piscadonan cu locual ta bayendo Raad van Advies aworaki ta simplemente e ‘raamwerk’ di e ley cu ta indica e escogencia di 3lugarnan cu lo kier proteha. Entre otro cu lo tin un hende cu ta maneha e parke, cu e ta cay bou di un fundacion pero tambe diferente aspecto organizatorio di e Parke Marino.

Minister Oduber ta enfatisa den e reunion y den e carta cu a manda pa nan cu no ta bay tin ningun decision riba e maneho cu ta bay tin (kico mag y kico no mag).

Rumornan ta circula cu piscadonan no mag di ta den e Parke Marino, tambe cu lo bay cobra pa piscadonan ta den e area, pa cual Minister Oduber ta indica cu esakinan ta rumor y no ta berdad!

No lo prohibi ni cobra ningun piscado pa uza of ta den e Parke Marino.  Minister Oduber a bisa cu e ta ripara y ta reconoce si cu tin hopi preocupacion cerca piscadonan cu a worde causa pa locual cu a tuma luga den pasado durante Gobernacion anterior, caminda cu ex Minister di Medio Ambiente a firma un ley cu aworaki ta na vigor cu ta prohibi diferente sorto di pisca cu por worde gara/pisca.

Minister Oduber kier garantisa tur usuario di e awanan cu esey no lo tuma luga. Lo scucha e preocupacionnan y tuma nan consehonan pa inclui esakinan den e maneho. Unabes e ley bin back for di Raad van Advies lo tin un comision cu lo reuni cu piscadonan di cada rancho den gruponan mas chikito, pa intercambia idea.

‘Nan ta esnan cu ta haci uzo di nos awanan, pa decadanan nan ta pisca den nos awanan y nan tin informacion di e piscanan cu ta core riesgo pa extincion y tambe cua pisca no kier pa worde gara na un etapa hoben y cua temporada ta mihor pa pisca ki tipo di pisca. Tur esakinan pa duna oportunidad pa e pisca por sigui reproduci su mes mas tanto cu ta posibel. Finalmente E intencion di Parke Marino ta pa proteha e naturalesa y biodiversidad grandi cu tin den e areanan aki pa nan por sigui reproduci’.

- Advertisement -

DUNA COMENTARIO

Please enter your comment!
Please enter your name here