Home Cultura Intercambio Cultural entre Generacionnan 2018

Intercambio Cultural entre Generacionnan 2018

17
0
SHARE
- Advertisement -

ORANJESTAD (AAN): Bon noticia pa Aruba!  Ta asina cu un Comision di Boluntarionan den nomber di Grupo Nucleo lo encabesa e siguiente actividad pa nos grandinan e aña aki: Entrecambio Cultural entre Generacionnan 2018.

Manera ta conoci caba, e actividad aki a yega di tuma lugar caba dos biaha, un na 2016 y 2017.

Tur dos tabata exitoso y tur cu a bay por a gosa di un anochi sumamente agradabel y placentero, unda por a mira nos talentonan local di nos grandinan, hobennan y muchanan.

Tumando na cuenta e tempo pa prepara un actividad  manera esaki, a dicidi pa manda e informacion aki, sabiendo cu mayoria di e gruponan ta cu vakantie, pa asina nan por pone nan respectivo grupo na haltura asina nan cuminsa back na augustus.

E actividad aki ta encera cu e grandi(nan) ta haci un presentacion conhuntamente cu hoben of muchanan ariba stage na Cas di Cultura. E porta den forma di un baile, canto, instrumento di musica, poesia, etc.. E duracion porta maximo 5 minuut.

E actividad aki lo bay tuma lugar diabierna dia 23 di November 2018 for di 6.00 pa 9.00 p.m. na Cas di Cultura.

Mirando e hecho cu lo tin un limite di presentacionnan, ta pidi pa inscribi bo(so) grupo mas liher cu ta posibel pa asina nos haya sa cuanto interes tin pa participa ariba e fecha menciona. Esunnan cu inscribi trempan lo bebe awa limpi..:)

Pa mas informacion tocante e actividad aki i/of pa inscribi por acerca e siguiente persona(nan), esta Ingrid Croes-Dubero, Yolanda Wolter, Lena Orman, y Lillian Leest.

- Advertisement -

DUNA COMENTARIO

Please enter your comment!
Please enter your name here