Home Hudicial Jerry Staring a perde caso contra Minister Dangui Oduber

Jerry Staring a perde caso contra Minister Dangui Oduber

125
0
SHARE
- Advertisement -

ORANJESTAD(AAN): Corte di Prome Instancia a anuncia su decision den e obheccion cu director di Departamento di Salubridad Publico Jerry Staring a cuminsa riba un decision tuma door di Minister Danqui Oduber.  Corte sinembargo a rechasa su obheccion.

Dia 6 di juli ultimo e mandatario a informa Staring, conforme articulo 52, eerste lid, di LMA, e ta haya un ordo pa durante 12 siman haci algun trabao como consehero di maneho / beleidsmedewerker enbes di e trabao di director di DVG.

Contra esaki Staring a dicidi di entrega un obheccion na Corte y cual a worde trata dia 8 di augustus ultimo.

Den un decision di Corte di dia 6 di juli, a schors e prohibicion di entrada impone riba Staring te ora cu tin decision riba esaki den un instancia mas halto (bodemprocedure). E mesun dia ey e director a worde informa cu a base di articulo 52, lid 1 di LMA, e ta haya e ordo pa durante 12 siman haci algun otro trabao pa e mandatario.

A worde splica den e carta cu a tuma e decision ey pa e siguiente motibo. “Management Team a tene diferente combersacion (dia 11 di juni) cu personal, unda cu diferente kehonan a worde haci riba bo funcionamento. Bo ausencia a haci esaki posibel.

E intake y registracion di e combersacionnan aki no a finalisa ainda y ta forma parti di e investigacion andando ainda riba investigacion y/of diferente indicacionnan di bo fayo den cumplimento cu ta kibra e confianza cu a worde deposita den bo persona, mirando bo funcion. Pa e motibo ey mi a dicidi di laga e Management Team y su autoridad intacto. Esaki ta trece trankilidad cerca e personal na pia di trabao.

Riba conseho di DRH a instala un “doorlichtingscommissie”. A base di esaki mki ta haya necesario, na bienestar di e servicio, pa bo haci algun otro trabao (temporalmente) na DVG cu normalmente bo ta haci.”

LMA ta bisa cu e ambtenaar ta obliga si ta necesario pa temporalmente haci otro tipo di trabao cu esun cu normalmente e ta haci. E por haya e ordo aki door di e Minister concerni of den nomber di e Minister concerni.

Hues a bisa den su decision cu Land Aruba (Minister di Salubridad Publico), su splicacion ainda tabata “summier” pa loke ta e motibonan cu biaha pasa a dun’e prohibicion di entrada.

Pero e motivacion cu a worde duna den e prome caso si a worde miho splica, y esaki ta cu su presencia na pia di trabao como director por frustra e investigacionnan cu tin andando y cu e investigacion ta worde haci riba e kehonan (cu a worde concretisa) riba su funcionamento mes.

Ademas, Staring den e caso den Raadkamer no a keha cu el a worde perhudica cu el a worde afecta den su posicion. Bou di e circumstancianan aki no tin motibo pa tuma un “voorziening bij voorraad” y e peticion di Staring ta worde rechasa.

 

- Advertisement -

DUNA COMENTARIO

Please enter your comment!
Please enter your name here