Home Deporte Judo Center Tanki Lender ta recorda e gran trabao di Ramon Sharpe

Judo Center Tanki Lender ta recorda e gran trabao di Ramon Sharpe

300
0
SHARE
- Advertisement -

Tributo

ORANJESTAD (AAN): E deporte di Judo a haci su entrada oficial na Aruba na luna di October 1961. Na Juni 1962, Ramon Sharpe a bolbe Aruba for di Merca y como coincidencia Ramon Sharpe tabata meti den e Judo-Sport desde 1961 cu un entrenador Japones, Sensei Isaac “Ike” Wacabayashi, na Universidad di Kansas na Merca.

Ramon Sharpe a worde introduci na e club di Carlos Bislip, e pionero di e Judo-Ssport na Aruba, San Nnicolas amateur Judo Club, (SA-AM-JU), e grupo aki tabata entusiasma cu a adkiri e experticio y talento di Ramon Sharpe, Ni Dan di Judo, 2do. Grado di Maestro di Judo-Sensei, e tempo ey, club SA-NAM-JU su miembro nan tabata Mario Bislip, Hilario Bislip, Silvanio Osefia, Dolf Croes, Chimbo Trimon, Candido Tromp, Toco Tromp y hopi Judoca mas.

Por bisa, cu e yegada di Ramon Sharpe el a yuda tranforma Judo di e Sistema Hulandes pa e Sistema Japones cu ta e cuna di e deporte di Judo, esta Kodokan, na Tokyo, Japon y el a trece un estilo di Judo agresivo y competitivo cu a yuda e team di Judo di Aruba progresa hopi riba tereno national y internacional.

Judo a crece den popularidad y interes publico y a gana hopi tereno deportivo na Aruba. Tambe cu e presencia di Sensei, Isaac “Ike” Wacabayashi, cu su alumno favorito Sensei Ramon Sharpe, Ni-Dan, nan a trece un transformacion tecnico impresionante y fenomenal den e Judo-Sport na Aruba y A.S.U. a dicidi di contrate den su proximo vacation pa 1 luna.  Despues A.S.U. a contrata Sensei Hisashi Kato, Yon-Dan, pa 1 aña.

Na aña 1967 a bin eliminacion di Nederlands Antilliaanse Judo Federatie, entre Aruba y Curacao pa traha e team di Judo cu to represent Antiyas Hulandes den e Weganan Panamericano na Winnipeg, Canada y e Campeonato Mundial na Salt Lake City, U.S.A., Aruba a gana 4 di e 5 categoria nan for di Curacao.

Candido Tromp Aruba, 4o. lugar Panamericano

Max Meulens Curacao

Ramon Sharpe Aruba, 4o. lugar Panamericano

Toco Tromp Aruba, 4o. lugar Panamericano

Elio Nicolaas Aruba, 3er. lugar Panamericano

E actuacion di e Judocanan Arubanoden e Weganan Panamericano tabata hopi bon.

Inmediatamente despues e Judocanan Arubano a bay pa Campeonato Mundial di Judo na Salt Lake City, U.S.A., cual tabata un gran experiencia, pero e tabata ainda un competencia demasiado grandi y fuerte pa e Judocanan Arubano.

Ramon Sharpe, Ni-Dan, tabata capitan di e team di Aruba den tur competencia Inter-insular y Internacional den e region di Caribe y nomber di Aruba a cuminza rezona cu hopi peso den e region di Caribe como un pais hopi bon den Judo.

Den e Campeonato Panamericano di Judo na Guatemala y Puerto Rico, Ramon Sharpe a cosecha hopi exito den e Campeonato aki. Ramon Sharpe, Ni-Dan, na aña 1975 a bira “Sportsman of the Year” di Aruba.

Ramon Sharpe, Ni-Dan, tabata e mihor Judoca cu Aruba a yega di produci den e historia deportivo di Judo na Aruba y e tabata un experto den un proyeccion di Judo cu yama Uchi-Mata, na Hulandes, un “heupworp”.

E simiya cu Ramon Sharpe, Ni Dan, a planta den e deporte di Judo a sigui crece y awe tur su alumno nan a construi y to maneha Judo Center Tanki Lender.

Candido Tromp, San-Dan.

Sebastian Falcon-Tromp, San-Dan.

Cu inmenso tristeza den nan curazon, pero agradecido pa tur locual e a significa pa nos y conforme voluntad di Dios nos ta manda un sincero condolencia pa su esposa Lucy Bardouille-Sharpe y yiunan y henter famia Sharpe y cu Ramon Sharpe por sosega na paz, ta sincero deseo nan di su alunmo nan di Judo cu awor ta directivonan di Judo Center Tanki Lender.

- Advertisement -

DUNA COMENTARIO

Please enter your comment!
Please enter your name here