Home Comentario KIA ta un “time bomb” y e mester di atencion riba corto...

KIA ta un “time bomb” y e mester di atencion riba corto plazo prome esaki rementa

16
0
SHARE
- Advertisement -

ORANJESTAD (AAN): Keto bay pa añanan largo K.I.A. no a bay  ningun stap dilanti. Tabata tin cambio di director tras di otro y e situacion no a cambia.

Tur minister encarga cu KIA segun tin entendi a priminti y masha poco sino ningun personal a bay dilanti. Cursonan a termina y te ainda ningun promocion aparentemente no a tuma lugar.

Trahamento di overtime keto bay debi tin mucho personal sea diabierna, diasabra ta reporta cu nan ta malo. Consecuentemente ta forza esnan cu si cu ta cumpli den problema. Creando tension bay di personal debi cu KIA no tin ni lugar pa sera mas hende.

Mientras bao di e presonan cada rato  tin mesa serio y tin biaha sla ta caya formal. E cuidado di preso tin cu actua rapido pa evita situacion sali for di man. Te asina leu  prison mester mas cu 70 persona pa traha esnan cu ta trahando  e momento aki ta funciona cu tension.

Debi cu presonan mester asina yama “Lucht“ pero debi cu tin poco personal nan tin cu keda tras di trali sera y ta crea e tension.

Den e siman aki minister lo sinta cu sindicato pa busca solucion  y pa percura personal lo trata manera tur otro empleado publico. No ta pasobra KIA ta keda na final di Aruba su personal ta wordo trata como sifuera nan ta pertenece na un otro planeta.

Nan tambe tin mesun derecho cu tur otro  empleado publico. Nan ta e ultimo cu ta  bin na remarca pa promocion. E capitannan cu ta tey parce ningun a percura pa adelanto di personal. Nan si a bay dilanti a usa KIA pa a bay dilanti.

E momento a yega pa personal di KIA wordo trata manera tur otro Empleado publico. E cuestion pa construi un prison nobo tambe ta un punto cu mester bay atende su seriedad debi cu muraya di prison ta serca pa cay den otro.

Salo laman ta come heronan di beton cual gran parti ta putri debi cu salpeter a penetra hasta murayanan. Esaki ta nifica SALUD  tanto di cuidadornan di preso y esnan sera den cuater muraya ta core peliger.

E vocht cu esaki ta produci lo ta e peliger. Ademas presonan mester por siña un ofishi tras di tral, dia e detenido drenta comunidad back e lo por haya trabao pa mantene su famia.

Ta tarea di reclasering pa duna e detenido un man. E problema cu KIA ta yen di cinco aña pasa a scucha lesa locual a wordo propone pa bin cu banchi electronico na pia awe no tin problema cu ta manda hende cas cu cierto promesa.

KIA ta un “time bomb” y e mester di atencion riba corto plazo prome esaki rementa.

 

 

 

 

- Advertisement -

DUNA COMENTARIO

Please enter your comment!
Please enter your name here