Home Labor Kizas di berdad Aruba mester cuminza cera contractnan C.A.O. pa un sector...

Kizas di berdad Aruba mester cuminza cera contractnan C.A.O. pa un sector completo

30
0
SHARE
- Advertisement -

ORANJESTAD (AAN): Un dama hoben kende a wordo tuma 3 luna pasa den servicio di un negoshi di relail, a produci hopi bon den e temporada ey.  E ta un negoshi unda e trahadornan ta gana “Comision” pa cada producto cu nan bende.

Pero como cu e ta den “proeftijd”, e como trahador no mag di cobra comision.  Y den e prome 3 lunanan aki, el a briya enormemente, bendiendo mas cu tur e otro trahadornan den e tienda.  Pero e no a cobra ni 5¢ di comision.

Awor cu luna di Juli a caba y el a haya chens pa porfin cuminza traha ‘vast’ y mas… ata e doño di trabao ta pone bay labora awor den un otro negoshi (bao di e propio Compania Madre) y pa colmo, aki tambe e tin di cuminza traha pa 3 luna largo un biaha mas den ‘proeftijd’ y sin ningun clase di gana comision cu loke e ta bende.

Esaki ta loke ta pasando aworaki na Aruba! E ta demostra con e clase trahador riba e isla aki, ta wordo abusa na forma fini, cu yen ‘loophole’ den ley.

Con por cambia esaki?    Na paisnan avansa ta firma un CAO of ta acorda condicionnan di trabao cu ta conta pa tur Trahador den un sector di nos economia.

Esaki no ta e caso ainda na Aruba:  Pa e Empleadonan Publico y pa e Trahadornan di Fundacionnan den sector Publico esaki ta e caso. Den e sector di construccion esaki mester ta e caso, cu tempo a desvia.

Kizas e momento a yega pa Aruba drenta den e fila di paisnan avansa!  Kizas Parlamentarionan di Aruba tin di cuminza check e sistema aki, busca conseho, y kizas na beneficio di trahadornan, bin cu un ley unda cada sector tin un solo CAO pa tur Trahadornan di e empresanan den e sector ey.

Tambe a ser mustra cu horario pa tiendanan mester ser reglamenta pa mengua e trahamento riba Diadomingo y den oranan di anochi.

Punto di salida ta e isla aki su ordenanza di labor:  Defensornan di pueblo tin di bringa pa baha gradualmente e cantidad di oranan pa traha den un siman di acuerdo cu nos ordenanza di labor te 5 dia y 40 ora.

Pa baha e cantidad di ora di trabao pa siman te na 40 ora, Gobierno mester cuminsa elemina e Horecabesluit y Casinobesluit pa loke ta e cantidad di oranan.

Ta cay  back ariba e arbeidsregeling cu ta stipula como maximo 45 ora. Di Gobierno ta trece  un ley general pa baha e 45 ora den fase pa 40 ora.

Un decision pa diripiente pa baha e cantidad di oranan pa 40 ta demasiado radical y no ta duna empresarionan e tempo necesario pa adapta nan mes.

E adaptacion na e situacion nobo mester cuminsa pronto, pero ta cuminsa  via un proceso di cambio dentro di un aña.

 

- Advertisement -

DUNA COMENTARIO

Please enter your comment!
Please enter your name here