Home General Kizas lo prohibi Humamento den Casino na Aruba

Kizas lo prohibi Humamento den Casino na Aruba

27
0
SHARE
- Advertisement -

Turistanan ya a reacciona positivo riba e posibilidad

ORANJESTAD (AAN): E legislacion na Aruba pa bay prohibi humamento den tur Casino y tambe Restaurant riba e isla, a yega na oido di turistanan.

E siman aki, DIARIO a tuma nota con turistanan riba Social Media a demostra cu nan ta hopi contento cu kizas Aruba lo bay prohibi Humamento den Casinonan.

“Di hopi tempo mi tabata desea pa algo asina bira realidad,” un turista femenino a relata riba Social media.

Algun di nan a expresa nan opinion, mustrando cu nan ta haya hopi vies di drenta un Casino na Aruba, como cu e holor di ‘huma eterno’ ta laga tur bo cabey, bo paña, y bo cuero di curpa keda hole pa varios ora largo.

Ademas, tin hopi turista cu sa cu algun Barco Crusero a hasta stop di humamento abordo, y nan tin Casino tambe riba barco unda no mag huma.  Y e Casinonan ey ta yen di pasahero!

Casinonan kizas tin miedo cu nan lo bay perde clientela, pero esey no ta berdad.  Mas bien nan lo haya hopi mas cliente nobo cu porfin lo por drenta e lugar, unda e tapijt y e machinenan lo no ta hole vies mas di holor bieu di cigaria.

Y si acaso e hunagdor kier huma?  Djis traha un espacio chikito pafo pa nan bay sinta y dal un cigaria of ciga, y despues regresa na machine of mesa.  Of djis traha un designated smoking-area cu bon sistema di filtro y maneho di aire.

“Mi ta sigur cu tur USA Non-Smokers lo keda feliz si acaso Casinonan di Aruba bira smoke-free”.

- Advertisement -

DUNA COMENTARIO

Please enter your comment!
Please enter your name here