Home General Kizas tin di bay yena Dam di Moko cu santo pa e...

Kizas tin di bay yena Dam di Moko cu santo pa e stop di kima

90
0
SHARE
- Advertisement -

ORANJESTAD (AAN): E molester di e huma den e barionan di Papaya, Moko, Catiri, Paraguana, y Tanki Leendert ta insoportable!

Hefe di Departamento di Prevension di Cuerpo di Bombero, sr. Ferdinand Ponson, ta comenta cu dam di Moko mester worde tapa cu santo sino lo cuminsa parti multa.

Sr. Ponson ta splica cu den e ultimo dianan nan ta hayando hopi yamada di bisiñanan banda pabou di e dam unda e huma ta bay. For di dia cu e dam ey a cende na candela, nan a papia cu e persona cu ta maneha parti di e tereno aki y el a manda basha tera riba esaki. Nan a habri un caminda parti pazuid pa trucknan por a drenta y basha e tera.

Den e ultimo dianan aki, nan a ripara cu e huma a cuminsa lanta back. E departamento a reuni cu Departamento di Naturalesa y Medio Ambiente, DOW, Polis di Bario y City Inspector y a yega na e acuerdo pa cuminsa basha tera mas pronto cu ta posibel p’asina caba di extingui e candela completamente.

Sr. Ponson ta enfatisa cu ley ta prohibi pa benta sushi riba e tereno aki mas y cualkier desperdicio mester worde deposita na e dump di Parkietenbos. Si esaki sigui sosode, e persona responsabel lo ricibi un multa mas halto di locual el a yega di haya caba.

Departamentonan concerni a sinta hunto cu e persona cu ta encarga cu e tereno y a yega na un acuerdo pa pone mas tera, percura pa niun sushi worde benta na elugar aki mas.

- Advertisement -

DUNA COMENTARIO

Please enter your comment!
Please enter your name here