Home General Lazo di Cooperacion – Panama: Crisol di razanan

Lazo di Cooperacion – Panama: Crisol di razanan

13
0
SHARE
- Advertisement -

Lic. Guillermo Villalobos Solé

A proposito di e declaracionnan duna den dianan anterior pa Stef Blok, Minister di Relacionnan Exterior di Reino Hulandes, tocante e refugiadonan y su polemica afirmacion cu “No ta existi sociedadnan multicultural pacifico”, mi ta permiti di comenta e caso di Panama, converti den un “Crisol di Razanan” segun ta wordo asegura pa e mesun ciudadanonan di e Nacion aki. Desde e epoca colonial te awendia, Panama a wordo utiliza como un zona di transito cu ta faborece e comercio y otro actividadnan economico importante, danki na su caracteristicanan geografico di privilegio. Desde mitad di siglo XIX cu e construccion di e ferocaril, cu a atrae e trahadornan proveniente di paisnan Antiyano manera Martinique, Sint Maarten, Trinidad & Togabo, St. Lucia y Jamaica, Panama a caracteriza su mes como un teritorio di acogida di ciudadanonan for di un gran diversidad di partinan di mundo. Pa inicionan di siglo XX, e construccion di e canal interoceanico, prome door di e francesnan y posteriormente door di e norteamericanonan, a atrae e atencion di gruponan etnico diverso, entre cualnan a destaca hebreo, arabe y hindunan, mescos cu otronan cu a yega procedente di Centroamerica, Europa y China, cu tabata bin di otro obra canalero; un oportunidad di desaroyo di e sector di servicio, principalmente portuario, comercial, logistico y financieronan. Nan a establece sin mayor contratempo den e dos zonanan portuario di e pais, specificamente den e provincia di Colon den e Atlantico y na e capital, den e Pacifico. E modernidad di e puertonan, mescos cu e zona liber di Colon, e distrito financiero y e desaroyo logistico ta un muestra inekivoco di e fortaleza empresarial cu e pais tin awendia, y cu ta encabeza door di e gruponan etnico, sin cu esey lo a implica cu esakinan y otro actividadnan economico, no a wordo desaroya door di Panameñonan autoctono. Y finalmente, pa e finalnan di siglo XX y inicio di e presente milenio, a surgi un oleada nobo di imigrante procedente di Republica Dominicano, Colombia y Venezuela, cu a yega e pais den busca di oportunidadnan di trabao y/o huyendo for di e condicionnan grave socioeconomico y politico cu e paisnan aki a atravesa. Den e tres ultimo casonan aki ta constatable nan participacion den diverso sector di e economia nacional, sin cu esaki ta implica un confrontacion social. A lo largo di e añanan aki, Panama a bira un Nacion hopi diverso, cu un sociedad multicultural di convivencia pacifico, cu ta salvaguardia y respeta e tradicionnan autoctono di e pueblonan originario, di e Panameñonan di interior, di e cultura afro descendiente y di e tradicionnan foraneo cu ta representa e gruponan etnico diverso yega na e pais den e transcurso di un siglo y mey. Nan integracion, di manera natural, ta visible den e espacionan diverso di e bida economico, social y cultural di e pais y, incluso, den e ambito politico na unda nan a bin ta ganando espacio e generacionnan nobo naci na Panama. Nada di conflictivo ni fayido e Nacion tin door di e presencia multicultural aki cu ta confirme como un Nacion Crisol di Raza y muy por lo contrario, den e diversidad aki e tin gran parti di su rikeza como Republica Liber y Democratico. Pa ultimo, lo por a cita otro casonan emblematico di sociedadnan multicultural na America Latino cu ta contradeci abiertamente e declaracionnan di e Minister Hulandes, particularmente Brasil y Argentina, dos gigante di e region y un di nan considera como un di e nacionnan emergente di e mundo nobo door di e grandura di su economia, e grandeza y rikeza di su teritorio, mescos cu su avancenan den materia di desaroyo industrial y tecnologico. Den ambos caso, no por bisa cu nan ta Estadonan fayido ni algo similar. Den e sentido aki, e manifestacionnan di Minister Blok ta lamentable, ken ta parce responde na mas di un manifestacion tipico di racismo y discriminacion cu na un tema di sociedadnan multicultural fayido manera e kier a hustifica su opinion desacerta. Sin lubida cu algun pais Anglosahon a bira reiterativo den nan decision di cera su fronteranan enfrente di e amenaza di migracionnan importante. NOT RED: Den termino di Antropologia “Crisol” ta nifica lugar na unda ta tuma lugar e integracion di etnia y culturanan diverso.

- Advertisement -

DUNA COMENTARIO

Please enter your comment!
Please enter your name here