Home Salud Lechi di pecho ta e miho alimento cu bo por duna bo...

Lechi di pecho ta e miho alimento cu bo por duna bo yiu

24
0
SHARE
- Advertisement -

Marlene Giel:

ORANJESTAD(AAN): –Tur aña, di dia 1 pa dia 7 di Augustus, ta World Breastfeeding Week. Durante e siman completo, Departamento di Salud Publico tambe kier a pone mas atencion riba e importancia riba lechi materno.

Marlene Giel, kende ta un specialista riba lechi materno, como tambe un International Board Certified Lactation Consultant, a pone hopi enfoke riba e siman particular aki.

Tur aña e ta wordo organisa riba e fechanan ya menciona. E ta wordo organisa pa WABA (World Alliance for Breastfeeding Action), cu tin su sede na Malasia. WABA ta e dak di diferente organisacion cu ta kere den dunamento di lechi di pecho y cu ta menciona cu esey ta un derecho pa tur mucha por haya lechi di pecho y pa tur mama por duna lechi di pecho. Tambe nan ta dedica na proteha, promove y sostene e derecho aki.

WABA ta traha cu World Health Organization, nan ta traha cu la Leche League, cu ILCA (International Lactation Consultant Association).

Tema di e aña aki ta Lechi di Pecho: E fundeshi pa bida largo.

E tema di e aña aki ta pa informa, duna tur hende informacion riba cu lechi di pecho ta e miho nutricion of alimento cu bo por duna bo yiu. E ta safe, pasobra bo no tin nodo di cana cu nada pa duna bo yiu y nan ta stress mas tanto pa reduccion di pobresa na mundo. Enfatisa cu duna lechi di pecho pa yuda esaki ta door di traha plannan di maneho y pone esaki den nan.

Importante ta pa tur organisacion of personanan cu tin di haber cu dunamento di lechi di pecho pa tene nan bezig cu e tema aki. Tambe encurasha otronan pa sigui traha pa proteha, promove y apoya dunamento di lechi di pecho.

No solamente durante e siman mundial, pero continuamente.

E vision di WABA ta, crea un mundo unda cu dunamento di lechi di pecho ta algo normal, di e cultura, unda mamanan por cria y percura pa nan yiunan pa asina contribui na un sosiedad sano.

Pa bay informa y traha hunto, pronto Marlene Giel lo ta na e practica di Duna Luz, unda e lo bay duna lactatiekunde spreekuur. Eynan mamanan cu tin problema cu tin pa conseho y tambe Giel lo bay duna les y anochinan di informacion riba dunamento di lechi di pecho, pa asina e mayornan por ta bon prepara pa dunamento di lechi di pecho.

 

- Advertisement -

DUNA COMENTARIO

Please enter your comment!
Please enter your name here