Home Comentario Lectornan rabia relaciona cu e caso di maltrato

Lectornan rabia relaciona cu e caso di maltrato

46
0
SHARE
- Advertisement -

ORANJESTAD (AAN)- Varios lector a yama rabia tocante di e caso di maltrato cu a sali ayera den corant. Hopi ta puntra ta di con e homber aki por a bira polis. Nan no ta pasa un test pa conducta? Si el a maltrata su mucha muher mes ta kico lo bay pasa cu otro ciudadanonan cu e topa na su man.

E polis mester wordo retira for di su trabao di polis di inmediato, pasobra no por confie mas pa traha como un persona pa pone orden publico pa locual cu a pasa. Ta berdad cu den cierto trabaonan, tin ora cu bo kier manda hende di unda nan a sali, pasobra bo tambe ta hende, pero como persona bo mester keda bo mes y sa di comporta pasobra bo comportacion ta conta.

Un hende cu ta maltrata su propio mucha muher cu ta un hende cu ta supone bo ta stima, kende bo kier forma un bida cune, anto bo ta como sifuera ta bo ta manda riba dje y golpi’e, no por ta stima ni su mes, corda pa e stima otro personanan.

Y e pregunta aki ta con tiponan asina ta bira polis. Kico ta pasa den nan cabez pa nan haci cierto cosnan asina. Mester bin un control mas estricto ora di tuma hobennan cu ta solicita pa bira polis pa e pueblo por tin confianza den nan.

Otro pregunta: si e amiga a bisa cu nan tin miedo di entrega keho ya cu nan mester haci’e na polis, y e agresor ta un polis, ta kende anto a haci e denuncia pa a detene e polis ?

Kico ta bay pasa awor cu e polis? Pasobra supuestamente ta pa permiso lo e ta haci kico cu e kier cu e mucha muher aki durante 2 aña largo?

Durante e dos añanan ey e polis a bira culpabel tambe di tin un ilegal cerca dje y cu e sa bon cla cu esaki ta contra ley. Of e mucha muher pa miedo y cu no kier bay su pais bek pa motibo di e situacion ayanan, a keda wanta maltrato den silencio?

Kico cu por ta e problema, e polis no tin derecho di a maltrata e muher aki.  Ta di spera cu e caso aki lo por habri wowo di e instancianan concerni pa ta mas alerta riba e situacion aki pasobra quizas tin mas caso asina cu pa miedo no ta bin dilanti, te ora e situacion empeora y por ta hasta fatal.

 

- Advertisement -

DUNA COMENTARIO

Please enter your comment!
Please enter your name here