Home Gobierno Lo elimina belasting cumulativo pa pensionado cu entrada abao di mil florin...

Lo elimina belasting cumulativo pa pensionado cu entrada abao di mil florin pa luna

373
0
SHARE
- Advertisement -

Apenas reforma fiscal drenta na vigor:

ORANJESTAD (AAN) – Den su recorido pa resumi kico Gabinete Wever-Croes a haci for di momento cu a sinta den gobierno te e momentonan aki nuebe luna despues den gobernacion, Prome Minister mr. Evelyn Wever-Croes a referi na e “crisis heffing” y pakico esaki a keda introduci.

E mandatario a reitera cu gobierno a haci hopi cos prome cu yega na e decision aki, cuminzando prome cu cada minister pa baha gasto; e mes ta trahando cu 10% menos personal di e cantidad di hende cu ex prome minister Eman, tabata traha cune.

E mandatario a acentua cu e trabao ta duro y e retonan ta hopi y no ta facil.

Gobierno ta bahando gastonan di persona, cu ta e gasto mas grandi cu nan tin. Ta tumando cierto decisionnan manera e VUT cu ta den pleno desaroyo, ademas e oferta di part time pa e empleadonan publico cu kier tume, entre otro, manera medidanan disciplinario pa e empleadonan cu no ta cumpli.

E aspecto di overtolligheidspool cu tambe ta wordo atendi pasobra e tin cu baha te bira cero, pasobra gobierno no por sigui paga salario sin traha.

Tambe a pidi e companianan estatal pa contribui cu mas fondo y mas dividendo, y baha gasto. Tambe a bay riba esnan cu no ta pagando belasting manera mester ta, specialmente e “big fishnan”, kiermen no e pensionado cu no por caba di paga nan belasting.

Mirando cu gobierno tin cu bay paga e proyectonan PPP otro aña, a haya su mes forza di bin cu e “crisis heffing” cu a cuminza dia 1 di Juli, y mes momento tur esfuerzo cu tin awor ta pa elimina e belasting aki mas lihe posible door di e reforma fiscal.

Esaki ta bayendo segun plan y dia 1 di Januari 2019 ta e fecha meta pa bin cu e reforma fiscal cu ta un sistema mas husto, mas senciyo unda cu e loonbelasting ta baha, y e persona ta bay cas cu loke a gana y ora ta cumpra su producto ta paga e belasting indirecto, cu no tin e sistema cumulativo manera tin aworaki y e ta mas facil pa ehecuta.

“Nos tareanan di reforma di belasting ta andando y su meta ta pa mehora e poder di compra di cada ciudadano”, e mandatario a expresa.

PENSIONADONAN:

Den e mesun rosea aki, e dignatario a indica cu e pensionadonan cu ta haya belasting cumulativo riba nan pensionnan tambe ta bay wordo elimina y keda pa pasado. E pensionadonan aki no ta bay haya e cobranza aki mas, cu excepcion na esnan cu tin un entrada mas halto di 5 mil florin pa luna, cu si ta keda paga cierto belasting.

A base di tur e esfuerzonan aki cu gobierno ta haciendo, Minister Presidente a agrega, por mira cu Banco Central den su review ta señala cu e situacion financiero di Aruba ta un tiki mihor. No hopi, pero livianamente, toch ta un mehoracion.

E dignatario a subraya cu nos pais ta bayendo pa dilanti cu hopi reto y e tarea principal ta pa cada reto no bira un problema pa e ciudadano. Despues di nuebe luna na mando, e mehoracion ta bayendo poco, poco, pero sigur.

AruBIG:

Minister Presidente sra. mr. Evelyn Wever-Croes a anuncia den conferencia di prensa di Gobierno, cu Minister di Salud Publico ta kedando cla cu e tema di AruBig.

Esaki ta haci posible cu nos studiantenan cu ta studia Medicina den nos region, por traha como docter na Aruba.

 

 

- Advertisement -

DUNA COMENTARIO

Please enter your comment!
Please enter your name here