Franklin Herts:
ORANJESTAD (AAN): E ciudadano Franklin Herts, kende ta miembro di Partido AVP, ta opina cu e momento a yega pa empleadonan di Departamento di DPL bay puntra Ministro di Labor, si e sa kende ta “Fabela”. Puntre di con e kier a fix 10.000 liña di telefon di Setar pa e sponsor aki.
Segun Herts, ta algo inhumano ora cu na un Departamento, e empleadonan ta wordo intimida y tormenta door di e.o. un Ministro.
Kizas Ministro a come y lubida? Di con?
Ayera mi a come un cuminda masha dushi mes, y awe mi no ta corda mas kico mi a come. Claro, esey no ta cumbini mi.
Ministro ta bisa cu e si no ta corupto? Djis corda con riba e prome oportunidad cu a presenta pa asina el a bira Ministro, el a percura pa fix su sponsor di campaña, cu 10.000 liña di telefon, un tal Fabela.
E tempo ey Sindicalista Bebe Boekhoudt a señala e acto di corupcion aki y el a informa mesora Premier Henny Eman e tempo aya. Premier Eman como hefe di Gobierno a dicidi na para e acto di corupcion aki inmediatamente.
No mester lubida con e Ministro ey den pasado tabata firma zeebrieven, luchtbrieven, landbrieven, planeetbrieven, etc., y finalmente a kita e pen for di e Ministro Glenbert.
Herts a finaliza ta puntra: “Ki dia boso ta stop cu e abusonan aki? Ki dia?”
