Home General Machika a sona tremendo den programa Mericano ‘So you think you can...

Machika a sona tremendo den programa Mericano ‘So you think you can dance’

318
0
SHARE
- Advertisement -

 

ORANJESTAD (AAN): E cancion di Jeon y J Balvin, a resona rond Merca durante un anochi.  E cobertura di National Television den henter Merca, a bin danki na e señal di Fox Network, cu tin e señal domestico na e pais.

Fanaticonan di baile y specialmente di e show di television, ‘So You Think You Can Dance’  a haya un sorpresa na momento cu bailarinnan, Genesy y Slavik a subi escenario pa presenta nan salsa bao di tremendo hit di Jeon, J Balvin y Anitta, Machika!

Bao di coreografia di Jonathan y Oksana, Genessy y Slavik a bolbe balia hunto, pero e biaha aki cu un salsa, Slavik a bisa prome cu nan presentacion, cu nan no a haci nada asina loco manera esaki, pero salsa ta den sanger di famia di Genessy, kiermen e tabata mas confortable cu e baile.

Huradonan a bisa cu e pareha tabata ‘candela’, pero nan no tabata contento cu presentacion di Slavik, kende tabata demasiado ‘den su cabez’ y cu salsa no ta e estilo di baile corecto p’e.

So you think you can dance ta un programa di competencia di baile transmiti pa Fox Network na Merca y ta e serie principal di frankicia di television internacional ‘So You Think You Can Dance’. E show a wordo crea pa productornan di American Idol, Simon Fuller y Nigel Lythgoe. E programa ta presenta un formato na unda bailarinnan entrena den un variedad di genero di baile ta participa den audicion habri pa demostra nan talentonan y avanza den rondnan adicional. Na final di e proceso, un cantidad chikito ta wordo elegi como finalistanan, te cu e ganadornan ta wordo corona como “bailarin favorito di America”.

 

- Advertisement -

DUNA COMENTARIO

Please enter your comment!
Please enter your name here