Home Deporte Macuarima Indians a laga Spuiters MIPA den tereno

Macuarima Indians a laga Spuiters MIPA den tereno

40
0
SHARE
- Advertisement -

ORANJESTAD (AAN) – Campeonato HEINEKEN fast pitch di Aruba Softball Bond dedica na dos baluarte Wiwi Maduro y Chin Thiel (DFM) a continua den gran forma riba veld di Flatstone, caminda Macuarima Indians a laga Spuiters den tereno cu un hugada close na home plate ganando 6-5.

Den categoria AA e dos equiponan Macuarima Indians y Spuiters MIPA a duna un tremendo presentacion batayando otro formalmente den nan promer encuantro. Finalmente den “tie break” Macuarima Indians ta remolca e careda di victoria riba un hit pa center cual centerfielder Deyon Peterson ta ataca den bon forma y ta rifla pa home unda e coredor ta drenta cu un sliding riba un hungada hopi close pa anota e careda di victoria.

Manager Henk Arnold den tie break den cabes di 8 inning a opta pa no hunga cu toke esta pa no avansa e coredor pa tercera y esaki no a salie di bon.

Macuarima Indians 6 careda, 9 hit, 2 error y ta laga 8 coredor den circulacion. Spuiters MIPA 5 careda, 10 hit, 3 error y ta laga 7 coredor na base. Lucio Geerman ta bay 8 inning cubriendo henter e ruta pa seya e victoria riba su nomber.

Lucio ta tira 110 lansamento di cual 38 bola y 72 strike, 1 base por bola, 2 ponche, permitiendo 2 careda limpi bon pa un ERA di 1.75. Di otro banda Henk Arnold ta lansa 90 lansamento, 25 bola, 65 strike, 3 base por bola, 1 stike out, permitiendo 4 careda limpi pa un ERA 4.00.

Mihor bateadornan pa Macuarima Indians ta Revelino Silie 4-3, Ray Bernabela 2-1, Darl Quandus di 4-1 cual porcierto tabata un cuadrangular, Patrick Lampe 4-1, Eddy Flanegin y Jean Pierre Geerman di 3-1. Pa Spuiters MIPA a destaca na bate Deyon Peterson 4-2, Gilward Wester 3-2, Arsan Wester 2-2, Carlos Wester 3-1, Walfredo y Sandrick Wester ambos di 4-1.

Macuarima a bati como equipo di 28-9 bon pa averahe di 321. Spuiter MIPA a bati den conhunto di 33-10 bon pa un averahe di 303. Campeonato ta continua awe Dialuna awor cu un total di 4 wega na Pos Chiquito. PA 7.15pm den A-Klas The Prodigies vs Black Yoker riba veld chiquito y den AA 7.15pm Logros vs Piratas veld grandi.

Pa 9 pm tin riba schedule den A-Klas Black Hawks vs Predators veld chiquito y Royal Power vs Balashi Premuim veld grandi.

- Advertisement -

DUNA COMENTARIO

Please enter your comment!
Please enter your name here