Home Turismo Maduro Travel ta ofrece tambe un biahe crusero na Japon

Maduro Travel ta ofrece tambe un biahe crusero na Japon

34
0
SHARE
- Advertisement -

ORANJESTAD(AAN): Recientemente DIARIO a tene un entrevista cu Isabel Welage di Maduro Travel, pa haya un indicacion con e aña aki ta bayendo pa e agencia di biahe.

Segun señora Welage, tur cos ta bayendo bon cu Maduro Travel, caminda cu nan ta traha hopi cu grupo, pa hende sa kico e budget ta prome cu nan ta bay.

“Nos ta traha hopi grupo cu vuelo y crusero, tur cos ta inclui”.

“Den zomer nos a manda un grupo di 100 hende pa Alaska y Miami y den Otoño nos ta manda un grupo di mas di 400 hende riba un crusero nobo na Miami”, segun Welage.

DIARIO a puntra e representante di e agencia di biahe dicon muchanan no ta paga mitar prijs pa ticket manera antes.

El a splica cu door di e retonan cu tur e aerolineanan tin, nan a cambia cierto reglanan pa sigui gana placa.

Tin algun cu ainda tin prijs special pa mucha, pero mayoria no tin esaki mas.

Mirando hendenan na Aruba kier subi barconan crusero na Aruba mes, Maduro Travel ta trahando duro pa logra esaki.

Welage a splica cu Maduro Travel ta conseha hende pa na 2019 book trempan.

“Nos ta hasi e paketenan pa Disney, Crusero y tur cos y e pueblo por paga poco poco”, segun Welage, kende a indica cu e agencia ta duna conseho riba bon destinacionnan pa bay, incluyendo Japon.

Segun Welage, pa Pasco Grandi Maduro Travel tin un oferta unda cu bo ta subi un crusero na Japon, cu lo ta riba laman 7 dia.

E pakete di e crusero ta inclui dos anochi di hotel na Japon.

 

- Advertisement -

DUNA COMENTARIO

Please enter your comment!
Please enter your name here