Home Enseñanza Malcontento ta reina den MDC pa motibo di maneho di minister Rudy...

Malcontento ta reina den MDC pa motibo di maneho di minister Rudy Lampe

20
0
SHARE
- Advertisement -

ORANJESTAD(AAN): Personal di MDC a tene Diamars mainta un Walk-Out, mirando cu tin un problema. Nan ta preocupa y nan a topa cu nan sindicato. Un di e trahadonan, Sharenda Wernet a splica cu e tareanan cu nan tin ta pa sostene e school y mayornan cu tin alumno y yiunan cu tin problema cu siñamento, conducta y habla den school, cual ta stroba nan siñamento. Un otro parti ta teachercare, cual ta sostene tur personal den enseñansa cu tin un problema cu ta stroba nan di haci nan trabao den enseñansa.

Na un otro parti tin e centro di observacion, cual ta un klas terapeutico, unda cu e muchanan ta haya les, pero alavez ta haya ayudo riba diferente area. Nan ta haya diferente terapia, manera logopedia, terapia di movecion, terapia di music, etc., y atardi nan ta haya opvang caminda nan ta haya diferente training pa despues bay back school.

Na e momento cu nan ta bay MDC, nan no por funciona bon den klas. E klasnan ta grandi manera cu tur sa. Na MDC e klasnan ta di 8 mucha y nan ta haya e ayudo. Despues di e ayudo ta evalua si nan por bay back nan school anterior of ki otro school ta miho pa nan acudi pa por sigui siña pa bira un miho persona.

Actualmente e personal ta hopi desapunta den e minister. Desde Januari el a bin cu un idea. E personal a vocifera nan preocupacion cerca dje. A manda carta, a sinta cun’e, dun’e un presentacion kico ta nan trabao y e importancia di nan trabao, como MDC completo. Asina mes el a dicidi cu e Centro di Observacion ta bay di tres pa un klas. Tin un wachtlijst di mucha pa haya ayudo, cual ta hopi.

E wacthlijst di e centro di experticio tabata un aña. Awo cu varios di e personal a bay ter beschikking cualkier caminda. Nan tabata casi un aña, awo e ta mas cu un aña. Diferente hende cu diferente funcion no tey mas. No tin un intaker, e cabesante tampoco no tey, pa sostene den e contenido di e trabao di e personal. For di e Centro di Observacion, di tres a bira un klas. No tin ningun terapista mas. Awor aki nan ta un klas chikito di 8 mucha, cual ta diferencia nan di tur e otro schoolnan.

E ayudo cu e centro di observacion no tey den e contenido mas. Atardi so tey awor aki.

E minister no ta scuchando nan. A dun’e, a mustr’e prueba di con cierto cosnan ta traha asina. Hasta riba nan propio vakgebied, a mustr’e kico ta nan trabao, nan contenido, pero e no ta scucha. El a trece hendenan for di Boneiro pa splica nan con nan ta traha. Na e manera cu nan ta traha ta mescos cu na Aruba. Awor aki e kier bay back con Boneiro tabata antes, loke no a funciona pa nan. A cambia diferente zorgteam den e diferente directivanan di school. A trec’e den un centro cu ta IOZ, cual ta igual na loke ta haci na MDC.

Desde 2011, nan ta Multi Disciplinaire Center. Nan a bay hopi paso dilanti si, a cuminsa cu un grupo di Centro di Experticio hopi chikito, pero a expande. Nan a haya centro di observacion, a haya teachercare, pa tur hende den enseñansa. Hasta nan calidad di trabao a subi. Cu e decisionnan a bay back na tempo cu nan a cuminsa. Esey no ta idea.

Cu sosten di SEPPA, ta bay sinta na mesa cu e minister pa mira kico ta e miho pasonan pa tuma. Pero no ta bay keda na man crusa. Esaki no ta caba eynan.

Bahamento di klas:

Awor aki e muchanan ta den nan school cu a señala como uno cu tin problema, e ta un mucha pa atende cu urgencia, a brinda mas ayudo cu por, paden y pafor di klas y mester ayudo. MDC a bay brinda ayudo di school, pero den e klas di 29 pa 39 mucha, e ayudo no ta funciona y mester ta mas individual. Lamentablemente, e muchanan ta den e mesun klasnan ey, na unda nan ta, sin e ayudo cu nan ta hayando, cual nan ta suppose di haya.

MDC ta traha na bienestar di e mucha. Nan ta duna conseho. Tin biaha berdad mayornan, na prome instante no ta contento cu e conseho di MDC. No ta e prome cos cu e mayor kier tende, pero sigur sigur, despues di tempo nan ta realisa cu e conseho cu nan a haya di MDC ta e miho pa e yiu. Bo ta tende hopi biaha despues un danki cu loke a conseha tabata e miho y ta mira cambio den e yiu. E mucha ta feliz, ta siña y a logra diferente cos. Sigur pa e muchanan cu ta bin e Centro di Observacion.

E plan di minister:

Segun Wernet, e minister no a duna ningun plan. Nada no ta riba papel, nada no tin contenido. El a bin Januari na MDC bisa cu e ta bin cu zorgteam y ora cu a puntr’e kico ta e tarea di Zorgteam, kico ta e contenido den e reunion caminda full e team tabata, no por a bise.

SEPPA tambe a sinta cun’e diferente biaha kico ta e contenido pa sa kico ta suppose di haci y kico e personal por haci pa no haci e trabao dobbel, e no por a duna un contesta.

A cuminsa cu e combersacionnan na Januari, a sinta na Maart, a sinta na April, a manda carta, tempo cu Parlamento a discuti riba e begrotting y no a haya ningun contesta.

Awor aki e personal di MDC ta sinta warda un contesta y no lo sinta cu man crusa.

 

- Advertisement -

DUNA COMENTARIO

Please enter your comment!
Please enter your name here