Home Parlamento Marlon Sneek a mira con MEP ta menaza di no sostene protocol...

Marlon Sneek a mira con MEP ta menaza di no sostene protocol y cambio di ley di CAft

23
0
SHARE
- Advertisement -

ORANJESTAD (AAN): Falta solamente algun dia pa gobierno entrega presupuesto 2019  na Parlamento segun lider di fraccion di AVP, sr Marlon Sneek, segun palabracion cu gobierno tin cu Hulanda y CAft pero den henter e desaroyo aki, mester señala cu ainda gobierno no a firma e protocol cu a logra cu Hulanda y lo mas tristo ainda, ainda Parlamento no sa nada di e protocol ey, mientras cu tampoco a logra di manda e cambio di ley di CAft pa duna e comision aki un base legal.

Pa colmo segun Parlamentario Sneek, e lider di fraccion di MEP a bay prensa y informa cu su fraccion lo no coopera pa firma e protocol cu gabinete Wever Croes a acorda cu Hulanda y tampoco su fraccion lo sostene e cambio di ley  LAFT cu ta duna CAft su base legal.

“Sinembargo apesar di a sali bin dilanti cu hopi pikete, tin cosnan cu nos no por caba di compronde den henter e bruhacion aki, ya cu fuera cu CAft ta ‘nowhere to be seen,’  y te ainda no tin base legal pa CAft funciona ya cu e comision aki a bin na vigor pa medio di un Landsverordening y den esaki ta papia kico ta e normanan basa riba cual CAft mester toets nos presupuesto.

Na 2018 esaki no a tuma luga, supuestamente mucho riba man, no tin tempo pa esaki, a yega na un protocol, a yega na un acuerdo, cu otro palabra pas den luz cora numa  y no worry cu tin polis y gobierno a pasa den verboden, ya cu nan tin mag.

Awor cu ta yegando na presupuesto 2019, atrobe protocol no ta cla, atrobe e ley di CAFT no a worde cambia, pa asina e tin un base legal pa CAft por funciona na Aruba y mas cu tur cos, duna un advies riba presupuesto.

Riba dje nos por a scucha lider di fraccion di MEP ta declara cu nan fraccion no ta bay di  acuerdo cu e protocol cu nan Prome Minister ta bezig cune pero aki ta bon pa menciona cu nos conoce e lider di fraccion aki caba, kende ta manera un tiger di papel sali brul duro manera un leon pa despues sali na careda.

Esey ta su estilo cu nos a tuma nota di dje caba caminda e ta sali ariba tur tema, haci desorden y despues hunga su rol di bisa cu “awor nan a splica mi bon,”  y  “nos ta di acuerdo cu loke nan a splica,”  pero no tin consistencia, simplementa ta bin dilanti y play masha controlador di gobierno, cu su persona e si ta controla, cu e si ta wak,  pero ora cu a nota cu cosnan no ta corecto, nos no ta mir’e  tuma accion tampoco.

Te ainda no tin cambio riba e posicion di CAft, fraccion di AVP a dirigi pregunta na Gobierno pero sin haya reaccion y nos no a haya copia di e protocol pa studia of si atrobe nos ta bay pasa un presupuesto sin cu tin base legal pa loke ta e adviesnan cu CAft ta duna,” Parlamentario Marlon Sneek a mustra.

 

 

- Advertisement -

DUNA COMENTARIO

Please enter your comment!
Please enter your name here