Home Enseñanza Mayor pasando den duro pa por haya tur buki pa su yiu...

Mayor pasando den duro pa por haya tur buki pa su yiu na Colegio

30
0
SHARE
- Advertisement -

ORANJESTAD (AAN): Riba Diaranzon, un mayor di un alumno cu ta bay cuminza Ciclo Basico na Colegio Arubano, a relata di loke e ta pasando aden pa por cumpli cu tur rekesito cu e Scol pa HAVO y VWO na Aruba ta exigi di nan.

Prome biaha su yiu ta bayendo Colegio Arubano, y nan a inscribi na luna di Juli 2018 durante un evento na Hyatt Regency Aruba.  Eynan mester a preseta cu papel di Censo, copia di Zorgpas di AZV, y prueba di parti di e pago di Ouderlijke Bijdrage y Boekenfonds.

Durante e evento ey, mayornan a puntra si lo bay haya e lista di buki, y nan a bisa cu si, e ta den e folder cu e studiante ta haya ora e inscribi.

Ora nan a yega cas, no tabatin ningun lista di buki den e folder.  Solamente  e  lista di Diccionario, di schrift, Geodriehoek, Passer, Calculator, Grote Bos Atlas cu bo mester cumpra.

Dia 6 di Augustus 2018 nan mester a bay Colegio Arubano pa busca e bukinan di Boekenfonds.  Aki atrobe mester a bolbe bay cu e prueba di pago.  Di con atrobe?  Ya caba a mustra esey na Juli.

Na Boekenfonds mester tabatin tur informacion/data di tur e alumnonan caba tog.  Mayornan a perde tempo para den rij pa entrega e papel di ‘acuerdo’ y e copy atrobe di bewijs van betaling cu bo mester a entrega caba dia di inschrijving na Juli.  Anto despues bay para den rij atrobe despues pa busca buki.

Ora di busca buki, mester a firma un papel cu bo a ricibi e bukinan.  Riba e papel, bo ta haya e lista di tur e bukinan, e prijs di huur, y prijs di cumpra.  Pa sorpresa, no tin ningun Number di ISBN di e bukinan.

Tur buki imprimi na mundo, tin un ISBN-Number cu ta yudabo identifica un buki, y haci proceso di bestel mas facil.  Y ta ora e mayor a yega cas cu e papel, el a lesa cu mester a firma cu bo a ricibi e buki.  Imagina bo, bo ta haya e lista dia 6 di Augustus, y nan ta bisa bo cu si bo kier bo mes ta cumpra bo bukinan, pero mester avisa prome cu 31 di Augustus 2018.

Pakico no ta entrega e lista cu ISBN un par di luna prome cu scol sera?  Of sikiera 12 luna prome?  Of at least pone un caminda available online pa mayornan por cuminsa wak online y cumpra nan mesun buki envez di paga asina tanto placa pa buki y despues mester entrega nan back tambe.

E mayor kier sa, pakico no ta bin cu un boekenbeurs manera tin na Hulanda?   Cu un boekenbeurs e lo sali mas barata y ademas e muchanan lo siña cuida e bukinan pa e siguiente aña escolar nan por bende y e boekenbeurs por trece hasta un ambiente positivo.

E mayor a sinta check e bukinan uno-pa-uno, pa e ISBN y bay online busca.  Pero pa sorpresa, na Aruba e buki di Wiskunde ta di 10e Editie.  Siendo cu ya caba Hulanda ta na di 12e Editie.  Y e prijs, compara cu huur y prijs pa cumpra 2nd hand online, no papia mes.

E ta spera cu esnan encarga cu Boekenfonds, Colegio Arubano, y SMOA tuma nota di su critica constructivo.  E ta desea tur studiante, un aña escolar placentero.

 

- Advertisement -

DUNA COMENTARIO

Please enter your comment!
Please enter your name here