Home Enseñanza Mayornan mester supervisa kico nan yiunan ta haci online pa evita nan...

Mayornan mester supervisa kico nan yiunan ta haci online pa evita nan cay den man di un hende cu mal intencion

24
0
SHARE
- Advertisement -

Corina Linssen di Tienda di Educacion

ORANJESTAD  (AAN):  Temporada di vakantie ainda no a caba, pero tog tin preocupacion di parti di algun mayor relaciona cu e hecho cu nan mes no tin vakantie, no tin cen pa viaha of  pasobra no tin hende pa keda na cas cu e mucha (nan).

Riba e tema aki DIARIO a tene un entrevista cu Corina Linssen kende ta coordinadora di Tienda di Educacion, cual ta un fundacion cu ta duna conseho y sosten na mayornan den loke ta educacion di bo yiu.

El a laga sa cu tin mayornan cu no tin e posibilidad pa tuma liber den e dianan cu nan yiunan ta liber. “Mi lo conseha semper pa percura cu ta un adulto di confianza kende ta keda disponible pa supervisa un grupo di mucha of un mucha su so”.

Tin biaha ta pensa cu un mucha ta caba responsable na cierto edadnan cu nan por keda nan so. El a bisa cu e mucha ta crece, naturalmente, y nan ta bira responsable, pero aunke nan tin 12, 13 of 14 aña ainda nan ta keda mucha. “Nan ta hoben pero nan ta keda mucha”, a enfatiza.

Linssen a sigui splica cu nunca un mayor por sa precisamente kico e mucha ta haci ora nan of un adulto no tey na cas. “No kiermen cu mester mara nan na cadena pa wanta nan paden. Pero mester tin un bista di kico ta pasando”.

Por ehemplo, awendia e muchanan ta subi hopi riba internet. Nan por type cierto palabranan y nan ta haya informacion eynan mes dilanti di nan wowonan. “Nan por yega facilmente na porno, nan por yega facilmente na otro hendenan cu tin mal intension, aki na Aruba of na otro pais di mundo y abo como mayor no sa kico ta pasando, a subraya.

E muchanan ta crea un contacto cu e personanan aki, nan ta combersa y te hasta por obliga e mucha pa haci cosnan cu nan no kier of cu nan ta wordo persuadi pa hacie. “Sea conciente. Papia cu bo yiu kico nan mag y kico nan no mag, pero ta preferible pa tin un adulto na cas of den becindario pa por haya sosten na e momento cu e mayor no por tey presente, e representante di Tienda di Educacion a indica.

El a menciona tambe cu un recomendacion pa un mama yuda otro. Of un familiar, pero den e caso cu esey no por, tin kamp cu ta wordo organiza. E ta conciente cu tin kampnan cu ta costa basta placa y e mayor no por afford e prijs. Tin algun di nan cu tin prijsnan accesible of tin algun fundacion of organizacion cu ta organiza kamp gratis.

E kampnan aki tog ta bon pasobra e muchanan ta disfruta y nan ta siña di dje mientras cu e mayor por ta na trabao trankilo pasobra e mucha ta wordo supervisa, Corina Linssen a expresa.

 

 

 

- Advertisement -

DUNA COMENTARIO

Please enter your comment!
Please enter your name here