Home Economia Mericanonan a bishita Aruba mas hopi den luna di Maart compara cu...

Mericanonan a bishita Aruba mas hopi den luna di Maart compara cu 2017

72
0
SHARE
- Advertisement -

Mientras cu mercado latino a mustra reduccion…

ORANJESTAD   (AAN):  E relato mensual di Bando Central di Aruba ta indica cu na maart 2018, e cantidad di turista a registra 98.467 bishitante, cual ta 8.334 bishitante (+9,2 porciento) mas cu na maart 2017.

E crecemento aki a resulta principalmente door di un expansion den e mercado Norte Americano (+9.265 bishitante of +13,1 porciento). Esaki a wordo parcialmente mitiga pa un reduccion den e mercado Latino Americano (‐1.770 bishitante of ‐16,1 porciento).

MAS TURISTA MERICANO Y MENOS VENEZOLANO

E subida den e mercado Norte Americano a resulta principalmente door di mas bishitante for di Merca (+8.729 bishitante of +13,4 porciento). E caida den e mercado Latino Americano a wordo causa primordialmente pa menos bishitante for di Venezuela (‐2.698 bishitante of ‐65,5 porciento).

TURISTA CRUCERO

E cantidad di turista crucero a registra un aumento di 1.468 bishitante of 1,5 porciento te na 101.237 bishitante na maart 2018, compara cu maart 2017. E cantidad di barconan a baha for di 41 na maart 2017 pa 40 na maart 2018.

 

- Advertisement -

DUNA COMENTARIO

Please enter your comment!
Please enter your name here