Home Comercio Meta di Organizacion MAMBO ta pa mas turista bishita Caya Grandi

Meta di Organizacion MAMBO ta pa mas turista bishita Caya Grandi

44
0
SHARE
- Advertisement -

ORANJESTAD (AAN): Señora Marjorie Vermeer-Luidens ta comenta cu e Organizacion di Comerciantenan na Playa, esta MAMBO, kier pa mas turistanan drenta den centro di ciudad.

Señora Vermeer-Luidens ta splica cu nan por haci uzo di tur locual nan tin caba y purba conkista e turistanan pa nan bin den centro di ciudad. Locual a remarca ta cu e Tram por ehempel no ta traha bon den e sentido cu e no tin e funcion pa obliga e hendenan baha ni explora.

Tambe tin barconan cu ta drenta atardi y den horarionan cu Tram ya a stop di funciona y yen di tienda a cera caba.

Señora Vermeer-Luidens ta mustra cu comercio den Caya Grandi tin dos tipo di clientenan pa sirbi, esunnan local y e bishitantenan. E horarionan cu cierto bishitantenan lo kier explora e centro di ciudad ta den atardi pa anochi ora e clima ta na nan fabor. Pero esaki ta oranan cu mayoria negoshi ta bay cera of ta cera caba cu e excepcion di mallnan cu ta habri ainda den oranan di anochi.

Señora Vermeer-Luidens ta remarca cu centro di ciudad mester por ofrece servicio y entretenimento tambe den oranan di atardi y anochi p’e bishitantenan. E ley ta duna permiso na comerciantenan pa habri na e orario cu nan ta desea, pero nan mester tene nan mes na e leynan laboral.

Locual mester sosode, segun señora Vermeer-Luidens, ta pa pensa mas den turisticamente, haci uzo di e facilidadnan, traha hunto cu Gobierno, etc. Y cada tienda lo mester bay paga un cuota pa sea mantenimiento, entretenimiento, mercadeo, etc. P’esey mester bid ta hopi importante. Mescos cu Corsou tin e Downtown Management cu ta exitoso.

Señora Vermeer-Luidens ta pidi tur comerciante pa lanta y traha hunto, y pa Gobierno caba cu trabaonan pendiente.

 

- Advertisement -

DUNA COMENTARIO

Please enter your comment!
Please enter your name here