Home Impuesto Michael Leo van Romondt ta subraya cu e ora a yega pa...

Michael Leo van Romondt ta subraya cu e ora a yega pa e reforma fiscal

39
0
SHARE
- Advertisement -

ORANJESTAD(AAN): Recientemente e compania Deloite a bin cu un seminario cu a toca tema di e reforma di impuesto.

Segun Michael Leo van Romondt, kende ta tax partner na Deloite Dutch Caribbean, e motibo ta cu e ta mas tanto un continuacion di un seminario cu a tene aña pasa, unda cu a papia di e mesun topico aki caba y e tabata mas den e esfera di e eleccion di aña pasa. Unda cu en realidad kier a wak un continuacion pa loke ta e reforma fiscal sosode.

Tin hopi aña ta papia di reforma fiscal pa Aruba y berdad a yega ora pa e reforma sosode tambe. Segun van Romondt, e sistema fiscal na Aruba ta relativamente anticua y por wak tambe cu tin cierto tarifanan cu ta relativamente halto.

Manera cu a worde menciona den e seminario pa diferente stakeholder, e verschuiving di direct pa indirect lo tin cu sosode rapido. E lo mester sosode claramente na un manera cu ta funciona bon pa e economia di Aruba tambe.

Tabata tin diferente orador, manera uno di Hulanda y tambe prome minister tabata forma parti di e oradornan.

Segun van Romondt, tabata tin como orador profesor Kavelaars. E ta e director di departamento cientifico pa Deloite na Hulanda. E ta hopi bezig cu vaktechniek fiscaal riba tereno fiscal internacional y Europeo. El a duna un parti pa splica mas tanto e cambionan internacional y Europeo cu a sosode ultimo periodo cu a pasa. A haya tambe un splicacion cortico di e cambionan fiscal cu a sosode na Corsou y St. Maarten di e merging partner di Deloite, sr. Julian Lopez-Ramirez.

Señora Luenne Gomez-Pieters, kende ta directora di Departamento di Impuesto tambe a duna un splicacion di e funcionamento di impuesto na Aruba y tambe a tende prome minister di Aruba, señora Evelyn Wever-Croes, duna un splicacion di e plannan cu tin pa e reforma fiscal cu lo mester sosode manera a worde bisa, cu tur speranza, pero 1 di Januari 2019.

Intension ta cu Deloite ta sigui cu tipo di e seminarionan aki. Esaki por wak’e como un tipo di contribucion na e sociedad y economia di Aruba. Tabata tin uno riba GDPR poco tempo pasa. Awo tin un seminario cu ta mas relata cu topico fiscal.

Pero tambe tin seminarionan planea cu ta relata na e futuro di trabao y esey lo ta mas relata na e personal, e hende cu ta haci trabao, con tecnologia, innovacion, lo bay haci cambio den e manera di traha na Aruba. Esey ta bay ta un di e siguiente topiconan cu Deloite lo bin cun’e, van Romondt a splica.

 

 

- Advertisement -

DUNA COMENTARIO

Please enter your comment!
Please enter your name here