Miembro di Tweede Kamer Willie Dille a pone fin na su bida

    431
    0
    SHARE
    - Advertisement -

    Alcalde a bisa di a conseh’e varios biaha pa haci denuncia.

    ORANJESTAD (AAN)—Willie Dille, miembro di Tweede Kamer y conseho di municipio den Haag, diaranzon a pone fin na su bida poco despues cu el a pone un pelicula riba Facebook den cual e ta menciona cu un aña y mey pasa el a wordo viola sexualmente  pa un grupo di moslim.

    Ayera mainta e noticia tocante esaki a bira conoci.

    Un vocero di polis a duna di conoce cu polis di Den Haag a papia cu Dille si, tambe tocante e violacion, y a ofrece yudanza, sinembargo tabata tin masha poco punto concreto y ningun indicacion pa un investigacion.  Segun vocero di polis di Den Haag Dille nunca a haci denuncia.

    Alcalde di Den Haag, Pauline Krikke, a duna di conoce ayera cu repetidamente e tabata urgi Willie Dille pa denuncia e caso na polis. E no sa di con Dille nunca a haci esey. “Mi no por mira den su cabez pa sa pakico finalmente el a dicidi di no haci esaki”.

    Willie Dille a contami cu el a wordo secuestra, viola y menaza. Esakinan ta expresionnan serio cu mi a tuma tambe masha serio”, krikke cu no kier bisa ki dia of tempo e miembro di conseho di PVV a relata na dje pa prome biaha di e sucedido.

    “Pero mi a tene varios conversacion cune  y mi a intermedia den contacto cu polis, y no por mira den su cabez “.

    Ayera Pauline Krikke a bolbe di Italia for di vacasion y awe e kier un conversacion hunto cu polis, husticia y directiva di e ciudad, pa mira kico ta e ultimo puntonan di bista den e caso Dille.

    Riba e foto por mira e miembro di Tweede Kamer di PVV Willie Dille, den Tweede Kamer.

    Krikke no a  splica kico e deliberacion lo encera  y no kier bisa nada tocante esey tampoco. Si lo tin investigacion extra e no kier a bisa tampoco. “Mi no ta anticipa riba conclusionnan pasobra no ta pa esey no ta bay sinta na mesa”.

    Mientras tanto Krikke a mira e pelicula riba Facebook tambe. Den e pelicula Dille ta bisa cu polis y e alcalde a lagu’e na caya. Di esaki Krikke kier a los solamente cu e tempo ey el a tuma Dille sigur hopi na serio.

    E alcalde a expresa su condolencia na esposo, yiunan, amigonan y tambe coleganan di fraccion di e difunto. “Ta horible ora un persona no ta mira otro salida  cu “sali for di bida”. E cos aki ta duel mi masha hopi,” el a expresa ademas.

    - Advertisement -

    DUNA COMENTARIO

    Please enter your comment!
    Please enter your name here