Home Deporte Miembronan motiva y energetico a bay cana 5km

Miembronan motiva y energetico a bay cana 5km

11
0
SHARE
- Advertisement -

ORANJESTAD (AAN) –  Ehercicio ta importante pa tene e curpa vital y cu na su turno ta duna energia den area laboral tambe. Ademas di esaki, Renaissance Aruba y Wind Creek Aruba ta considera e evento di diasabra ultimo un excelente oportunidad di estrecha lasonan den su propio team.

Recientemente Renaissance Aruba y Wind Creek Aruba a tene un 5k Fun Run & Walk pa su miembronan di ekipo. Diasabra dia 18 di augustus ultimo, parti atardi 160 miembro motiva y energetico hunto cu nan famia a reuni na Fisherman’s Hut pa duna inicio na e ruta di 5 KM.  

Manera e dicho popular ta bisa, ‘Team Work, Makes The Dream Work’, saliendo for di e punto di bista aki, un team cu ta motiva otro semper lo eleva otro den trabou tambe.

Tabata un ocasion social deportivo na unda cu miembronan di ekipo y familiaresnan  a participa cu nan yiunan, esunnan un poco mas chikito a bay den stroller y hasta e mascota di cas por a cana durante di e ruta.

Den transcurso di e ruta tur participante a ricibi boli di awa y na final a refresca cu boter di awa i patia. Un atardi realmente saludabel na unda henter e ekipo di Renaissance Aruba y Wind Creek Aruba tabata den movecion, incluyendo su team ehecutivo.

Renaissance Aruba y Wind Creek Aruba ta felicita tur participante cu un bunita evento!

 

 

 

 

 

 

 

 

 

- Advertisement -

DUNA COMENTARIO

Please enter your comment!
Please enter your name here