Home Gobierno Minister Andin Bikker ta insisti cu e tin tur atencion pa cu...

Minister Andin Bikker ta insisti cu e tin tur atencion pa cu KIA.

16
0
SHARE
- Advertisement -

ORANJESTAD (AAN): Minister di Husticia mr. Andin Bikker, a tuma nota di e rapport di Inspeccion Hulandes pa Husticia y Siguridad encuanto e programa di mehoracion pa KIA.

Relaciona cu esaki e mandatario ta lamenta cu e Inspeccion Hulandes pa Husticia no a tuma nota di e plan di maneho cu ta para den presupuesto 2018 den cual ta poni e intencion pa construi un KIA nobo.

Tambe e rapport ta referi na e periodo di mei 2017 pa mei 2018, pues ta solamente un periodo di 6 luna ta regarda e gabinete nobo. Ta iracional pa kere cu den un tempo asina cortico por resolve situacionnan cu ta data for di prome cu 2014, special si mira e situacion financiero cu e gobierno anterior a laga pais Aruba aden. Ta for di prome 2014 e instancia concerni a mustra cu e situacion na KIA no ta optimal.

Minister di Husticia mr. Andin Bikker ta diligentemente bezig cu e proceso di reorganizacion y construccion di un KIA nobo y actualmente esey ta den periodo di transicion.

Ministerio di Husticia ta di opinion cu ta na mei 2019 por haci un evaluacion di e progreso bou maneho di e actual gabinete, mirando cu e rapport aki a worde traha refiriendo na un periodo di transicion y retonan hereda di e gobierno anterior.

- Advertisement -

DUNA COMENTARIO

Please enter your comment!
Please enter your name here