Home Gobierno Minister Bikker a delega Colegio Central di Reclassering pa evalua y retracta...

Minister Bikker a delega Colegio Central di Reclassering pa evalua y retracta articulo 37

53
0
SHARE
- Advertisement -

Despues cu otro pedofil a keda den libertad:

ORANJESTAD (AAN) — Diadomingo pa 11’or di mainta, a wordo convoca un conferencia di prensa extraordinario y urgente na Bestuurskantor, den cual tabata presente Minister di Husticia mr. Andin Bikker, Procurador General Interino y sra. Trudy Hassel, Hefe di Warda Nos Costa.

E dignatario a referi na dos tema. Esun prome ta cu el a hala atras su decision pa evalua y retracta e libertad provisional, pa e personanan cu a comete delito di actonan inmoral.

E otro caso ta e asunto di control riba ilegalnan unda cu el a nenga cu esaki tabata e caso y cu por a surgi cualkier problema entre su persona y e hefe di Warda Nos Costa, y cu locual el a bay atende ta cu el a wordo informa cu un Arubiano a keda deteni pa WNC. 

Otro pedofil laga liber:

Despues cu pedofil a wordo laga den libertad algun dia atras, unda cu segun e mandatario basa riba articulo 37 di Codigo Civil e homber acusa di intento di abuso sexual contra un menor, a wordo laga den libertad pa un eror di un funcionario reemplazante den KIA y e sobrepopulacion di e Instituto Coreccional, awor a caba di sosode otro caso cu tambe e minister a firma libertad di un pedofil, y unda el a subraya cu Ministerio Publico a cambia e maneho di 2014 sin consulta cu su persona y esey ta e motibo.

Atrobe comunidad a keda den shock y cu hopi rabia den su curpa, loke por saca afo door di opinion publico na cantidad.

A FIRMA DECRETO:

E mandatario a duna di conoce cu Diadomingo mainta el a firma un decreto den cual, a base di articulo 2 di nos Codigo Penal, e ta traspasa na e Colegio Central di Reclassering cu ta forma pa miembronan di e Instancia aki mes, Ministerio Publico y Corte. Na mes momento el a instrui e Colegio Central pa evalua y retracta e libertad condicional di esnan cu comete actonan inmoral.

E mandatario a bolbe splica cu na momento cu KIA ta yena di mas, cu ta un factor externo y cu no por premira, na final di dia e minister ta haya un lista unda ta bisa kico ta e conseho di Ministerio Publico cu cierto criterio y tabata tin un maneho, cu entre otro, esnan cu comete actonan inmoral no ta bin na remarca pa e tipo di libertad provisional un tiki prome cu e normanan pa cual nan a sinta castigo.

Kico a pasa ta cu sin consulta cu e minister, OM a cambia e maneho aki pasobra nan ta di opinion cu e ley en cuestion no ta haci diferencia na ki tipo di crimen a wordo comete, pero e no reconstata riba esaki y a keda confia cu e advies ta den linea cu e maneho anterior y kico e ley ta bisa.

E mandatario a mustra su indignacion na Ministerio Publico y na e Procurador General Interino sr. Frans Deutekon cu tabata presente pa referi tambe na e ley.

E mandatario a admiti cu otro persona cu a comete delito contra moral a sali liber adelanta, pues basa riba e articulo 37 y esaki pa motibo cu OM a cambia e maneho.

Den su splicacion el a bisa tambe cu ora tin preso cu tin tempo caba sinta y bin un nobo, un di esnan cu mas tempo mester bay pa motibo cu KIA ta yen.

E ley no ta discerni ki tipo di acto a wordo cometi, esnan di mas antiguedad ta bin na remarca door di e formula di articulo 37 cu a wordo introduci na 2014, cu ta bisa cu esun cu ta mas cerca di sali liber ta wordo laga den libertad no obstante e crimen cu el a comete.

No obstante cu  e ley no ta indica esaki ta asina cu tin un maneho cu ta wordo hiba door di Ministerio Publico, ora di duna conseho pero na Juli-Augustus di e aña aki        OM a cambia e maneho sin consulta cune y su persona confiando con el a wordo aplica, a laga e persona den libertad.

E mandatario a agrega cu e no tin e Kennisdossier pero Ministerio Publico tine, den cual ta splica ta kico y con.

Esaki a pone cu pa un eror e detenido en cuestion a keda den libertad.

Pesey el a pasa e poder di decision di ken ta bin na remarca pa haya libertad adelanta y ken no, ora KIA ta yen, na e Colegio Central di Reclassering tanten cu traha un KIA nobo y ya e ta diligentemente trahando riba esaki.

Nan ta esnan cu basicamente ta duna conseho pa laga un hende den libertad si e ta cumpliendo cu e condicionnan y nan por retracta tambe si e persona no ta cumpli, y bin cu otro Decreto unda e persona ta wordo deteni y ta haya un abogado y haya 14 dia pa apela e caso. Colegio Central ta un instancia mihor ekipa y cu mas informacion cu e Dossierkenis y sa, na final di dia, di kico e persona a wordo acusa, si el a rehabilita y si ta apto pa wordo laga den libertad.

PROYECTO KIA:

E mandatario tambe a menciona cu otro siman Parlamento lo tin un presentacion di un compania specializa den trahamento acelera di centronan di detencion y tambe gobierno ta bezig cu un arkitecto local, pa wak si esaki lo por ta un opcion y con lihe por bin cu ampliacion of un KIA nobo, pa asina no tin nodi kibra cabes riba aspectonan manera a menciona prome.

 

- Advertisement -

DUNA COMENTARIO

Please enter your comment!
Please enter your name here