Home Gobierno Minister Bikker ta bay introduci e maneho di “Meldplicht”

Minister Bikker ta bay introduci e maneho di “Meldplicht”

62
0
SHARE
- Advertisement -

Den e proceso di admision y expulsion:

ORANJESTAD (AAN) — Minister Bikker a referi na un maneho cu tin yama “meldplicht”. Pa splica esaki e dignatario a bisa cu ora el a bira minister a topa cu mas di 6 mil permiso cu ta den e proceso door di e tardanza den e automatizacion di S.I.R.S.A. (Sistema Innovativo di Registro di Stranhero Aruba) y cu a logra baha te mil y pico.

Y comision LAR a manda pa e minister cahanan di documentacion cu e indicacion cu ta permisonan cu a wordo nenga pa puro formalismo.

Por ehemplo un persona cu no tabata tin e copia di un passport valido na tempo nan permiso di 7 pa 8 a wordo nenga. E mandatario a señala cu e Verzog Advies Commitie a bise cu nan no ta mira pakico un persona mester bay den un proceso di LAR cu ta bay dura minimo ocho luna, siendo cu tin manera pa resolve esaki na nivel gubernamental.

Pesey siman pasa e minister a propone pa bin cu un comision di mediacion, pa evalua tur e casonan aki pa evita negacion innecesario.

E mandatario a reitera cu debi na e caso di ex-minister Paul Croes, a bin hopi tardanza na DPL tocante aplicacionnan pa e mercado laboral, y esey a haci cu pa trabaonan cu di antemano ta conoci cu no tin hende na Aruba pa ocupa e cuponan ey, tin e chens cu un conseho positivo ta wordo duna.

A base di e meldplicht tambe ora un hende ta wordo deteni pa Warda Nos Costa, cual esencia ta expulsa e persona, si na dado momento ta un caso di un persona cu su permiso ta wordo trata na DIMAS y por tin e posibilidad cu e ta bay haya permiso no por expulse facil, pasobra si e permiso ta wordo dune, mester manda un carta di dispensacion pa e drenta bek.

Via meldplicht e persona ta bin tur siman na DIMAS y en caso cu e conseho ta negativo anto e ta wordo deporta al momento. Y ora nan meld tambe e ta bao responsabilidad di un persona local, y si nan no meld ta busca manera pa haya nan pa wordo expulsa.

E mandatario a menciona cu den combersacion cu sra. Hassel el a bise cu mescos cu e tema di e Colegio Central di Reclassering, lo ta bon pa bin tambe cu un comision pa evalua e casonan cu tin, pa wak si nan ta bin na remarca of no pa meldplicht y duna sra. Hassel conseho riba esey, y asina e como minister no tin nada di kibra cabes riba e casonan aki.

El a subraya cu tin hopi hende ta bin cerca dje pa intermedia, incluso pastor, tocante casonan cu nan ta haya excepcional, y e lo tey como minister pa casonan asina, y si ta bay tras di casonan excepcional anto e ley di expulsion no por traha mas.

E mandatario a manda un mensahe pa comunidad den sentido di tin tur cos na orden. Si e tin un trahador stranhero percura pa su estadia y su permiso ta na ordo, y tambe pa DIMAS ta diligente cu e permisonan cu ta den proceso y tambe pa Departamento di Labor duna conseho diligentemente y tin comunicacion entre e instancianan concerni.

El a indica cu DPL, WNC y Dimas ta bay sinta hunto pa comunica personal y electronicamente, cu por evita cu ora tin accion di Warda Nos Costa tin persona cu nan a detene pero cu eigenlijk mester laga nan bay.

 

 

 

- Advertisement -

DUNA COMENTARIO

Please enter your comment!
Please enter your name here