Home Gobierno Minister cu splicacion detaya tocante entrada di belasting y impuesto indirecto

Minister cu splicacion detaya tocante entrada di belasting y impuesto indirecto

36
0
SHARE
- Advertisement -

Den e contexto di contenido di carta di CAft:

ORANJESTAD (AAN) – Tocante e observacion di CAft den su carta pa gobierno, den cual ta identifica algun belasting cu ta keda atras, den conferencia di prensa Minister Xiomara Ruiz-Maduro a duna su comentario.

E dignatario a indica cu di cada informacion cu gobierno a haya for di Departamento di Impuesto, ta mustra cu e entrada total tin un adelanto di 13.5 miyon florin, si compara esaki cu locual a wordo realiza na aña 2017.

CAft ta uza e cifranan cu ta wordo presupuesta, pero mester duna honor na e berdad y wak loke a wordo realiza y no solamente loke a wordo presupuesta, segun e dignatario a subraya y esey ta e adelanto cu el a menciona.

Na e momentonan aki entrada di belasting ta 48% cu ta bon mirando cu nos ta un tiki mas leu  cu mitad di aña y yegando na e target aki, segun e mandatario.

Minister Ruiz-Maduro a expresa cu pesey, gobierno no ta compronde pakico CAft ta expresa su mes cu entradanan ta kedando hopi atras, pasobra si esakinan ta na 48% caba, si tin un adelanto di 13.7 miyon compara cu 2017, ora ey nan conclusion mester ta un tiki mas balansa.

WINSTBELASTING:

Encuanto winstbelasting, esaki den su totalidad ta cana atras cu 6.3 miyon. Aki e mandatario a informa cu winstbelasting a conoce un cambio drastico na aña 2015, unda a cambia e sistema di cobra.

“Den e caso aki e ta voldoening op aangifte system: prome, antes y despues cu bo haye bo ta paga. Aworaki bo ta paga adelanta loke bo ta premira caba cu bo lo tin di bay paga. Esaki ta un cambio diferente, y cune ta bin dos momento den aña cu bo ta paga esaki. Esaki ta na Mei y na November”, e dignatario a declara.

Pesey, e mandatario no ta haya corecto pa señala cu e entrada di winstbelasting, durante e prome mitad di aña, ta indicativo cu e ta kedando atras, pasobra tin un momento na November, cu tambe e pagonan ta wordo haci y esaki a wordo splica na CAft, pero nan ta keda den otro punto di salida; e ta nan opinion, pero esaki ta nos realidad.

GRONDBELASTING:

Tocante e impuesto aki e mandatario a menciona cu tin algun carta di obhecion, cu ta sumanan grandi y aki ainda mester bin un aclaracion di kico ta bira e cobranzanan aki, cu tanten e no keda cla e cliente no ta pague.

IMPUESTO PLACHI DI NUMBER:

E servicio aki a keda atras cu 1.6 miyon florin, y aki el a indica cu pa September aworaki por mira cu 24% di e personanan cu mester cumpli cu e pago aki, no a haci esaki.

E ta un total di 17.750 number di auto cu no a wordo paga y esaki ta trece cune cu a cay atras cu 1.6 miyon. Tin un ley cu mester a drenta na vigor na 2017 y cu ta bin aworaki cu mester paga un boet y e cliente lo haya mitad di loke e tin cu paga, como multa.

Esaki no ta bay wordo aplica di manera di para e persona riba caminda, sino cu e cobranza lo yega na e persona mes na su cas. Esaki no ta algo di awor, sino un ley cu e gobierno anterior a traha y cu a pasa den Parlamento, no mas cu e no a wordo implementa y aworaki a duna chens na tur hende pa paga, pero por mira tog cu ta keda un grupo (24%) cu no ta bin paga, ni cuanto chens nan ta haya. Pa nan ta existi un cobranza (multa) cu lo yega na nan cas.

E mandatario a bisa cu tur e informacion aki CAft a haya siman pasa, kiermen, nan sa riba kico gobierno ta pensa pero nan a concentra den nan carta riba otro puntonan. No obstante, nan ta supervisa y den e siman aki tambe Parlamento lo bin cu pregunta, y gobierno lo brinda informacion.

BELASTING INDIRECTO:

Esaki ta e parti di Douane. Belasting indirecto a produci 10 miyon florin mas di impuesto, den mitad aña 2018, compara cu e mesun periodo na 2017. Esaki ta debi cu tin un subida di e cumplimento cu ley. Esaki a bin pa motibo cu tin un traspaso di control, di fisico pa administrativo, riba e riesgonan cu ta presenta.

No ta habri tur carga pero tin investigacion riba e aspecto administrativo di e cifranan y di eynan a bin casonan di invoerrechten cu no a wordo paga manera mester ta y a cobra esakinan, y e entrada ey ta bin acerca.

Tambe ta yuda cu e verificadornan a haya curso y tambe e comerciantenan tocante con pa haci e declaracion, y esey a contribui cu e cumplimento aki. A lanta tambe un “risico management team” cu tambe ta yuda pa Douane por haci su trabao mas dirigi, como tambe nan control y e boetnan administrativo tambe a wordo duna na esnan cu no a cumpli, y esaki tambe ta trece placa den caha di gobierno.

INVOERRECHTEN:

Tocante e entrada aki minister Ruiz-Maduro a splica cu loke mas placa ta genera ta e importacion di mueble pa hotel y condominio cu ta genera 3.5 miyon florin, y importacion di auto cu ta 1.8 miyon di e totalidad di 10.6 miyon di entrada extra.

- Advertisement -

DUNA COMENTARIO

Please enter your comment!
Please enter your name here