Home Gobierno Minister Dangui Oduber a ricibi e hoben Melanie Wever cu a logra...

Minister Dangui Oduber a ricibi e hoben Melanie Wever cu a logra medaya di oro

124
0
SHARE
- Advertisement -

ORANJESTAD (AAN): Dialuna atardi Minister di Turismo Salubridad Publico y Deporte Sr. Dangui Oduber tabata tin e honor di por a ricibi e hoben Melanie Wever hunto cu su famia na Cocolishi pa dune un reconocimento. Melanie a logra medaya di oro den e Mundial di Equitacion na Ocala, Florida dia 22 di juli den categoria 15-17.

Melanie ta un hoben cu a cuminsa practica e deporte equitacion na un edad di 3 aña y cu 5 aña di edad a representa Aruba den mundial pa su prome biaha. Awendia Melanie tin 14 aña ta practica e deporte y a logra diferente medaya pa pais Aruba. E logro nan mas grandi ta e 4 biahanan consecutivo cu Melanie a logra e medaya di oro. Melanie ta unico persona na mundo cu a logra e titulo aki den forma consecutive pa 4 biaha.

Aruba ta un pais chikito pero cu atletanan talentoso, danki na cada un di e atletanan aki cu na un forma of otro ta hiba e nomber di pais Aruba padilanti. Esaki sigur ta un exposicion sumamente unico y impagabel, asina e mandatario a duna di conoce. Loke tabata hopi remarcabel ta cu Melanie a logra medaya di oro siendo e tabata den exemenklas y a logra su H.A.V.O. diploma tambe. Minister Oduber ta manda palabranan di felicitacion y ta desea Melanie tur clase di exito den futuro.

- Advertisement -

DUNA COMENTARIO

Please enter your comment!
Please enter your name here