Home Enseñanza Minister di Enseñanza a bishita diferente school y ta satisfecho cu e...

Minister di Enseñanza a bishita diferente school y ta satisfecho cu e proyectonan

29
0
SHARE
- Advertisement -

ORANJESTAD(AAN): Diahuebs tabata e prome dia di aña escolar nobo y como tal Minister di Enseñanza a bishita diferente school rond Aruba.

Durante un conferencia di prensa el a indica cu durante su bishita el a wak diferente di e proyectonan cu e gobierno aki ta realiza.

“Nos a bay por ehempel na Colegio San Francisco y eynan na Madiki nan a bisa cu nan tabata tin 54 aña ta warda pa asfalt rond di e school y awor nan ta contento cu e school a wordo prepara y acomoda di tal forma cu un mucha cu ta den rolstoel, cu ta bay e school ey, por drenta e school mas facil cu antes”.

Esaki segun e mandatario, kende  a indica cu esaki ta un bon ehempel di un school cu a bira inclusivo, pues no ta exclui ningun mucha.

Lampe a splica tambe cu na School Kudawecha cu el a bishita tambe, tin un experimento interesante cu ta bay cuminza cune.

Dialuna awor riba e mesun tereno, ta bay habri e school preparatorio di School Kudawecha.

E idea ta cu e ta bay ta un school integral, cu tambe mester ta un ehempel pa otro schoolnan.

E mandatario a bay San Nicolas tambe y a bishita Colegio San Nicolas, pa supervisa e obranan di renobacion cu ta tumando lugar cu Maria Regina School, unda cu e MAVO di atardi, MAVO di anochi hunto cu HAVO di anochi ta bay ta situa hunto na Colegio San Nicolas.

E intencion ta tambe cu  e prome 3 klasnan ta bay ta un tiki separa for di e klasnan mas halto.

Lampe a bishita tambe Paulus School, unda cu porfin tur klas ta bay tin airco.

“Bo ta mira e diferencia den e ambiente di e lesnan”, segun e Minister.

 

 

- Advertisement -

DUNA COMENTARIO

Please enter your comment!
Please enter your name here