Home Gobierno Minister di Husticia hunto cu un Comision lo evalua restauracion di Huis...

Minister di Husticia hunto cu un Comision lo evalua restauracion di Huis van Bewaring Dakota

54
0
SHARE
- Advertisement -

Buscando solucion riba sobre poblacion di KIA:

ORANJESTAD (AAN) — Dialuna mainta a tuma lugar e conferencia di prensa di gobierno den cual a participa Minister di Husticia, Admision y expulsion (DIMAS), mr. Andin Bikker, Minister di Turismo y Salubridad Dangui Oduber y Minister di Asunto Social y Labor Glenbert Croes.

Minister Bikker ta e prome minister na hiba palabra, participando na prome lugar cu un rato despues e lo tabata bayendo na e ex- Huis van Bewaring na Dakota,  hunto cu un comision forma pa su colega di Infrastructura Otmar Oduber, DOW, y e Task Force encarga cu e restauracion di edificio di Instituto Coreccional di Aruba (KIA), ademas di miembronan di Warda Nos Costa.

E motibo di e bishita aki ta pasobra nan kier bay mira si na corto termino lo por yega na un restauracion temporal di e lugar, pa cumpli cu dos obhetivo.

Gobierno a ripara cu e facilidad cu tin aworaki pa detencion di personanan ilegal door di Warda Nos Costa, no ta apto tur ora pa cierto personanan violento cu ta keda deteni. E mandatario a bisa cu un persona cu ta wordo deteni pasobra e no ta cumpli cu e ley di LTU, ta cay bao di otro regimen y e facilidadnan no ta apto pa esaki; ademas, tin biaha tin personanan cu ta bira agresivo y cu ta kibra e facilidadnan aki y ta huy. E solo hecho di huy ta mustra cu esun cu huy tabata tin e menos bon intencion pa keda na Aruba, segun e minister.

E mandatario a reitera cu KIA ta sobre pobla, y esaki tambe ta haci cu mester pone atencion na e asunto aki ya cu e retonan financiero di Aruba ta grandi y pa bay traha un edificio nobo pa KIA lo tuma tempo y tambe un inversion grandi.

E dignatario a sigui splica cu e mesun Task Force aki cu ta encarga pa yega na un KIA nobo, den e proximo dianan aki lo ta reuniendo cu un compania di Merca, pa haya un presentacion di nan. E compania aki ta specializa den traha unidadnan di prison prefabrica di manera cu nan por ta den funcion na un forma relampago.

Ainda gobierno no a haya e presentacion pa evalua e posibilidad aki, pero realidad ta cu KIA ta sobrepobla, y siman pasa e mandatario a haya un rapport di un Comision cu cada aña ta evalua KIA, y den dje nan ta manifesta nan preocupacion pa e estado di e Institucion.

Nan ta haci e recomendacion pa mas pronto posible haci un mehoracion y pesey, apenas sr. Bikker a bira minister a bin cu e Task Force pa bin rapidamente sea cu un renovacion, ampliacion of un KIA nobo.

El a reitera cu e reto di mas grandi cu tin ta e parti presupuestario pasobra esaki ta un proyecto di un magnitud hopi grandi y lamentablemente den ocho añanan cu a pasa gobierno anterior no a inverti den dje y esey ta trece e retonan cu aworaki tin cune.

 

- Advertisement -

DUNA COMENTARIO

Please enter your comment!
Please enter your name here