Home Gobierno Minister di Salud pendiente di sentencia den caso cu Staring a entama...

Minister di Salud pendiente di sentencia den caso cu Staring a entama contra gobierno

38
0
SHARE
- Advertisement -

ORANJESTAD (AAN) – Minister di Turismo, Salud y Deporte Dangui Oduber, a contesta varios pregunta cu miembronan di prensa a haci, durante e conferencia di prensa semanal di gobierno cuminzando siman.

Director Departamento Salubridad: E mandatario a declara riba un pregunta tocante e investigacion relaciona cu e Director di DVG, cu esaki ta tumando lugar y cu ainda tin un caso den Corte entama pa sr. Jerry Staring contra Ministerio di Salud, y si tur cos ta bon lo tin sentencia e siman aki.

Despues di e prome sentencia (na fabor di sr. Staring) e minister a bise cu e por aparece na trabao pero no como director pasobra gobierno no a haya prudente pa haci un investigacion, unda cu e director ta wordo acusa di intimidacion y persecusion di empleadonan pasobra dificilmente un empleado por sinti su mes liber pa participa den e proceso aki si e director ta presente.

Pesey e por fungi como Beleidsmedewerker mientras e investigacion tuma lugar. E no a keda contento y a entama otro caso, y ta spera cu e siman aki ta dicta sentencia, segun e mandatario. E ta spera cu aki dos pa tres siman e asunto aki lo yega su final.

Raad van toezicht di ATA: Tocante e pregunta ken ta e miembronan cu a sinta den e funcion aki, e mandatario a declara cu esaki a keda cla y a wordo finaliza como tres siman pasa. Tin tres miembro nobo den e Raad van toezicht y un di nan ta forma parti ainda di e hunta directiva di e gobierno anterior y mester bay wak con ta haci cune, pasobra e persona aki no ta tene su mes na e reglanan di bon gobernacion. Esaki, el a subraya, ta otro caso cu e no ta bay adelanta riba dje.

Ley di All Inclusive: Tocante e ley di All Inclusive, un pregunta a wordo haci cu e observacion cu e ley a pasa y cu, aparentemente, e Director di ATA a keda sorprendi. E dignatario a bisa cu e ta sorprendi cu e Director di ATA a keda sorprendi, pasobra e ley aki a wordo trata y aproba for di dos aña pasa caba.

Den e ley aki a wordo inclui elimina un discrepancia cu a keda existi entre e hotelnan cu ta paga room tax y otro acomodacionnan cu no ta contribui na caha di gobierno. Esaki ta un di e motibonan pakico gobierno mester a haci e cambio mas lihe posible pa awor tur hende ta contribui na caha di gobierno.

Otro parti di e pregunta a referi cu antes tabata tin un minister di turismo y un minister di salubridad y cu ambos tabata duna permiso pa operacion di hotel, pero aworaki tin un titular pa ambos cartera, locual e mandatario a coregi bisando cu semper ta minister di salubridad a duna permiso y no esun di turismo.

Aworaki minister Dangui Oduber tin responsabilidad pa tur dos cartera pero toch e control no ta minimo, pasobra tur inversion pa cualkier tipo di hotel, mester di tereno y riba esaki ta Minister Otmar Oduber ta esun responsable pe. Ademas tin un Parlamento cu semper por yama e minister aden pa duna cuenta en caso cu e no ta di acuerdo cu e manera di proceder di un minister.

 

 

- Advertisement -

DUNA COMENTARIO

Please enter your comment!
Please enter your name here