Home Gobierno Minister Glenbert Croes contento y gradici cu presupuesto pa Plan Crisis Social...

Minister Glenbert Croes contento y gradici cu presupuesto pa Plan Crisis Social a keda aproba

14
0
SHARE
- Advertisement -

ORANJESTAD (AAN) – Den e prome conferencia semanal di gobierno e Dialuna aki a hiba palabra e ministernan Glenbert Croes, Minister di Asunto Social y labor ken a bin acompaña e Directora di Departamento di Asunto Social y tres funcionario mas; sr. Chris Romero, Minister di Transporte y Sector Primario; Minister di Salud Publico y Deporte Dangui Oduber y  mr. Xiomara Ruiz Maduro, titular di Economia y Finanzas.

APROBACION FONDO:

Minister Glenbert Croes a duna inicio na e rueda di prensa anunciando cu siman pasa, mayoria di miembro di Parlamento a aproba e presupuesto pa implementa e Plan di Crisis Social, y el a expresa su gradicimento na e parlamentarionan di coalicion, y a expresa cu e fraccion di AVP a vota contra.

TREMENDO BARIFEST:

Seguidamente el a felicita esnan cu ta encarga cu e Special Projects, cu Diadomingo cu a pasa a organiza un tremendo BarioFest na Centro di Bario Dakota.

El a reitera cu Special Projects a cuminza na Tanki Leendert y despues a bay Savaneta, y awor na Dakota unda tambe a reconoce e baluartenan di e bario y a duna homenahe postumo na sr. Alfred George Williams miho conoci como “papa Williams” un patriarca cu a lanta un famia hopi conoci y stima den e bario di Dakota.

E mandatario a subraya cu Bario Fest ta un concepto di duna balor na e bario, mustra calor na otro, y duna balor na e centronan di bario cu e titular kier pa nan bira mes bunita cu e MFAnan y pa nan tambe tin un bida cultural, deportivo, salud, y di atencion den e bario.

Minister Glenbert Croes a yama danki di curazon na e team pa e tremendo trabao cu ta desplegando, y tambe el a gradici y felicita e Directiva di Centro di Bario Dakota cu a duna nan tremendo cooperacion.

 

- Advertisement -

DUNA COMENTARIO

Please enter your comment!
Please enter your name here