Home Gobierno Minister Glenbert Croes ta sostene Comision contra Abuso

Minister Glenbert Croes ta sostene Comision contra Abuso

8
0
SHARE
- Advertisement -

Den forma colectivo mester haci di Aruba un paraiso pa nos yiunan lanta den dje

ORANJESTAD (AAN):  Minister Glenbert Croes a duna di conoce den conferencia di prensa cu el a reuni cu e representantenan di e Comision Accion Stop Abuso (CASA) cu a wordo lanta y e ta sostene e iniciativa aki.

“Nos ta apoya nan accion. Loke ta pasa den un hogar, violencia entre pareha, violencia contra e yiunan, contra mayornan. Esey ta cosnan cu na Aruba nos kier pa Aruba ta liber di e sorto di problemanan aki”, e mandatario a expresa.

Hopi hende ta pensa cu loke e minister a cuminza cune ta un mision imposible, el a remarca. “Si nos haci tur loke nos ta yama pa haci, ohala nos por pone un fundeshi cu si un dado momento, den e Aruba cu nos ta biba aden, y cu ta surgi pa loke ta trata abuso di mucha, problemanan den hogarnan, cu nos por tin un structura profesional pa deal cu tur e sortonan di problemanan aki”, a expresa.

Mester lanta un consenshi den tur sector di nos comunidad pa compronde cu ta responsabilidad di tur y e ta un escogencia cu cada ser humano ta haci. Sea bo ta un tata, sea bo ta un mama, sea bo ta un tio of tia. Sea bo ta un hoben, sea bo ta un mucha.

Muchanan mester di e presencia di e mayornan den nan bida como guia y educacion. “Ta un escogencia cu nos ta haci si nos kier biba un bida den un caminda corecto of  no”, Minister Croes a manifesta.

Esey ta loke kier motiva den tur ciudadano, tur ser humano, tur mucha, poniendo e ser humano central a escoge y ohala por duna nan un motivacion positivo den nan bida, e mandatario a agrega.

Segun Minister Croes, e meta ta pa den un forma colectivo haci di Aruba un paraiso pa nos yiunan lanta den dje.

- Advertisement -

DUNA COMENTARIO

Please enter your comment!
Please enter your name here