Home arte y espectaculo Minister Lampe a realiza apertura di programa Caribbean Linked 5

Minister Lampe a realiza apertura di programa Caribbean Linked 5

17
0
SHARE
- Advertisement -

ORANJESTAD (AAN) — Recientemente Atelier 89, bao direccion di e conocido artista plastico Elvis Lopez, a haci apertura di Caribbean Linked 5, cu ta un programa di tres siman, pa artistanan cu ta menos reconoci den Caribe.

Minister di Enseñanza sr. Rudy Lampe a realiza e apertura locual tabata motibo di gran satisfaccion pa sr. Elvis Lopez y demas presentenan.

Nan a wordo invita pa bin hunto cu nan curatornan internacional cu ta bezig riba tereno di arte, pa asina nan por reinforza nan trabao y yega na otro obranan y pensamento, door di intercambia cu otro islanan di nos region.

Elvis Lopez a indica cu tin 12 artista en total, hunto cu cinco curator riba vloer, cu ta bay traha riba un proyecto total cu ta pa embeyece Caya Grandi y dia 25 di Augustus lo tin e exposicion final.

Pa prome biaha un minister a haci apertura di Caribbean Linked door di e titular di Educacion sr. Rudy Lampe. E hecho cu e tabata presente ta un reconocimento grandi pa Elvis Lopez su persona, segun el a expresa. Pero alavez e minister ta reconoce e importancia cu arte tin y cu cada dia ta birando mas grandi na Aruba.

Elvis Lopez a señala cu mirando cuanto sponsors tabata tin pa e evento aki, e ta mustra cu arte cada bez ta mas reconoci na Aruba.

 

 

- Advertisement -

DUNA COMENTARIO

Please enter your comment!
Please enter your name here