Home Parlamento Minister lo pone extra fondo den TPEF pa proyecto Stimami, sterilisami

Minister lo pone extra fondo den TPEF pa proyecto Stimami, sterilisami

6
0
SHARE
- Advertisement -

Parlamentario Christiaans-Yarzagaray:

ORANJESTAD (AAN) – Den conferencia di prensa di fraccion di MEP, Parlamentario Setty Chistiaans-Yarzagaray a menciona cu e por a tuma nota cu for di e fondonan di TPEF, tambe parti di e placa a wordo dedica pa e proyecto Stimami, sterilisami.

Esaki ta un proyecto cu a bin di sector priva pero cu gobierno tambe ta sostene. E parlamentario a indica cu e mes ta haci uso di e servicio aki pa cacho y pushi riba caya, y e ta aplaudi e servicionan asina, pasobra na dado momento e problema ta afecta turistanan na unda cachonan ta bay riba beach y den lugarnan unda e turistanan ta pensa cu si animalnan no ta wordo bon cuida con nos hendenan ta mantene nos pais asina.

Den e rapport ta wordo indica cu minister lo pone extra fondo pa e proyecto aki, pa concientizacion riba sterilizacion di pushi y cacho. Di su banda e dama parlamentario a pidi minister tambe pa e sinta proactivamente, cu cierto fundacionnan cu tambe ta traha riba e area aki, pa yega na un mihor solucion.

E ta di acuerdo cu concientizacion ta e prome paso, pero tambe cu e problematica ta falta di un shelter, pero uno optimal tambe ta al caso y e ta urgi minister pa laga e fundacionnan cu ta traha riba e tereno aki, haci estudio pa wak e posibilidad di bin cu un shelter y dune mantenimento.

 

- Advertisement -

DUNA COMENTARIO

Please enter your comment!
Please enter your name here