Home Gobierno Minister Oduber a reafirma participacion di piscadonan den plan di maneho di...

Minister Oduber a reafirma participacion di piscadonan den plan di maneho di parke Marino

66
0
SHARE
- Advertisement -

Den reunion cu piscadonan

ORANJESTAD (AAN): Diaranson anochi a reuni cu piscadonan pa comparti informacion corecto considerando cu a tuma nota di mal entendimento cu tin cerca e piscadonan cual a worde causa pa informacion incorecto cu ta circulando rond di e tema di Parke Marino.

E mal informacion y e hecho cu Minister anterior a pasa e piscadonan un “fast ball” aña pasa cu e lista di piscanan protehi, tambe a crea hopi desconfianza.

Durante e reunion a sigura e piscadonan cu aworaki nada lo no bay tuma luga pa perhudica nan. Tur locual cu ta encera loke cu mag y no mag/ restriccion den e maneho lo worde hinca den otro hunto cu e piscadonan. September lo inicia cu e reunionnan cu e diferente grupo di piscadonan rond Aruba pa por intercambia ideanan y yega na e mihor maneho.

Piscadonan por ta trankil cu nada di esaki lo no tuma lugar tanten cu no sinta na mesa cu otro. Manera cu a acorda verbalmente den dicho reunion. Diahuebs 16 di augustus 2018, a manda un carta dirigi na Fundacion Centro di Pesca Hadicurari, na nomber di sr. Alesio (Alex) Farro. Unda cu ta reafirma participacion di piscadonan den plan di maneho di Parke Marino.

E carta a worde hiba pa Sr. Farro diahuebs 16 di augustus 2018, Ministerio ta den espera pa Sr. Farro confirma/ accepta y percura pa tur miembro ricibi e informacion aki, cu ta muestra di e compromiso serio tin pa locua ta e Parke Marino.

 

- Advertisement -

DUNA COMENTARIO

Please enter your comment!
Please enter your name here