Home Gobierno Minister Otmar Oduber hunto cu su coleganan Bikker y Romero lo institui...

Minister Otmar Oduber hunto cu su coleganan Bikker y Romero lo institui un comision

38
0
SHARE
- Advertisement -

Pa revisa e Ley di piscamento:

ORANJESTAD (AAN)—Minister Otmar Oduber a duna di conoce, den conferencia di prensa Diahuebs, cu su persona hunto cu su coleganan Minister Bikker, titular di Husticia y Transporte y Sector Primario Minister Romero, a instala un comision pa revisa e Ley di piscamento.

E meta di esaki ta pa aclarea kico ta e diez of mas sortonan di pisca cu no por wordo pisca den nos awanan, y tambe a compromete cu e piscadornan, siman pasa, cu awor si dia 1 di September, ta bay yega na e ronda di consulta cu tur usuario di e parti maritimo aki, unda cu tin no solamente piscado pero tambe buceador y hendenan cu ta haci uso di boto, sea pa placer of pa negoshi, fundacionnan manera Tortugaruba y Aruba Bird Conservation cu ta pone nan neishi den e areanan aki.

Lo reuni cu e fundacionnan aki pa e ora ey bay fiha e beheersplan cu mester tin pa e Parke Marino. Aworaki ta e marco legal a wordo poni riba mesa pa wordo haya bek e consehonan di Raad van Advies, y na September, un bez cu gobierno ricibi esaki lo sinta na mesa cu tur e gruponan aki pa di e forma ey scucha e piscadornan, cu ta esnan cu na mesa cu enberdad na e momentonan aki tin cierto piscanan cu ta den extincion.

E ora ey lo defini cual ta e piscanan di tamaño chikito cu no mag gara nan of cual ta esnan cu por gara den cierto temporada so, etc., cu ta experticia cu e piscadornan so tin.

Un bez cu lo papia cu nan y yega na un acuerdo cu nan e ora ey e reglanan di Parke Marino ta wordo hancra y haci conoci na comunidad den su totalidad. “Esey ta e intencion di un Parke Marino: proteha nos flora y fauna y nos bida marino, pa futuro” Minister Otmar Oduber a expresa.

E mandatario a acentua cu e piscadornan por ta sigur y garantiza cu nan ta bay haya nan lugar manera a wordo palabra durante e reunion di dia 23 di Juli y cu dia 24 el a contesta nan den un carta, unda el a duna nan tur participacion, contrario na ex-minister Mike de Meza cu a pusha un ley cu ta prohibi garamento di un cantidad di pisca den nos lama, y cu e si ta bay consulta cerca e piscadornan mes.

- Advertisement -

DUNA COMENTARIO

Please enter your comment!
Please enter your name here