Home General Minister Otmar Oduber mustrando cu solamente 1.2 miyon Florin den presupuesto di...

Minister Otmar Oduber mustrando cu solamente 1.2 miyon Florin den presupuesto di DOW ta flexibel

60
0
SHARE
- Advertisement -

ORANJESTAD (AAN): E isla aki tin un deficit hopi grandi di camindanan particularmente den bon condicion na Aruba. Ta mira cada biaha cu camindanan principal no ta den bon condicion y tin masha hopi kraak den nos camindanan cu por ta debi na e onderlaag, calidad di asfalt cu a worde uza of falta di mantencion pa motibo cu no tin fondo pa atende cu nan.

Minister encarga cu Infrastructura Otmar Oduber a bisa den Parlamento cu pa Pa 2019 lo kier mira mas o menos 6 pa 7 miyon adicional den e presupuesto di DOW, pa por haci un tiki mas di lo normal. Na e momentonan aki e presupuesto di DOW practicamente ta pa por haci cosnan cu aña tras di aña ta worde haci, y tin poco espacio pa haci cosnan adicional cu ta importante. Por ehempel e ploeg nan vast, tin mantencion di trabaonan di rioleering etc. Pues tur placa den e presupuesto total cu nos ta papiando riba dje di DOW, minimalmente di ful e suma, kisas 1.2 miyon Florin di dje ta flexibel.

Pa duna un ehempel di e necesidad cu tin actualemente, tin mas o menos 300 peticion pa polis drumi/ drempel rond di isla y den e presupuesto tin fondo pa 15. Diferente miembronan den Parlamento tambe a haci peticion den nomber di comunidad pa DOW pone drempel na diferente cayanan rond Aruba. Pa locual ta e 1.2 miyon Florin den e presupuesto di DOW cu ta flexibel, bo tincu scoge entre ponemento di drempel, drecha buraco den caminda, trabaonan di mantencion cu ta cay den e aña ey di nobo entre otro. Pasobra e resto di presupuesto ta encera ‘vaste lasten’ cu ta bin cada aña cu mester cumpli cu ne, Minister Oduber a duna di conoce.

 

- Advertisement -

DUNA COMENTARIO

Please enter your comment!
Please enter your name here