Home Gobierno Minister Otmar Oduber ta gradici e piscadornan cu a acudi na e...

Minister Otmar Oduber ta gradici e piscadornan cu a acudi na e encuentro na CBPP

18
0
SHARE
- Advertisement -

Cu emocionnan pero fructifero:

ORANJESTAD (AAN) – Diahuebs mainta gobierno a tene su conferencia semanal di prensa cu participacion di Prome Minister mr. Evelyn Wever-Croes y Minister di Infrastructura, Medio Ambiente y Desaroyo Teritorial, Otmar Oduber.

Na prome lugar e dignatario a expresa palabranan di gratitud na e piscadornan, cu Diaranzon anochi a asisti na un encuentro den Centro di Bario Piedra Plat.

Un grupo grandi di piscador a bin hunto pa expone nan preocupacionnan cu dignatario ta considera cu tin base, debi na e experiencia cu nan a biba na momento cu ex-minister Mike de Meza a introduci un ley unda a prohibi pa un cantidad di pisca wordo gara, despues cu a priminti nan cu e lo wanta esaki.

E minister a reitera cu nan tabata bezig cu e ley for di 2012 y despues di esey cu e mes tabata minister di sector primario, y e tempo ey tambe tabata tin hopi discusion y el a keda wanta e ley.

No obstante aña pasa prome cu e gabinete nobo a sinta, contra e palabracionnan cu tabata tin ex-minister Mike de Meza a introduci toch e ley, cu a perhudica e piscadornan, pa cual Diaranzon y Diahuebs hunto cu Minister Bikker y Minister Romero, a institui un Comision cu ta revisando e ley aki, y ya caba diferente conseho a drenta na e departamentonan concerni pa reahusta e ley aki conforme e pensamento y input di e piscadornan, y tambe pa uso di harpon den diferente area y bao di cierto condicionnan cu lo wordo reintroduci, a base di e compromiso cu a wordo haci durante e periodo di eleccion.

E mandatario a gradici pa e reunion aki cu ta e mire como uno exitoso aunke cu emocionnan, locual e no a nenga, y hasta ta haya logico pasobra e piscadornan a wordo tuma haci aña pasa.

Minister Oduber a subraya cu el a priminti e piscadornan cu ningun ley nobo cu ta prohibi piscamento di cualkier tipo di pisca, lo wordo introduci y a compromete cu nan y bolbe garantiza cu lo no introduci un Parke Marino cu su plan y su reglanan, kico mag y kico no, tanten cu no sinta cu e piscadornan manera el a compromete dia 23 di Juli den Centro di Pesca Hadicurari, di bay rancho pa rancho sinta cu e piscadornan. E lo traha un sketch di esaki y lo sinta cu e piscadornan no solamente pa haya nan input pero cu ta formaliza esaki pa medio di un formulario cu ta bay wordo yena, y lo tin un comision den cual nan lo tin participacion tambe di representante di piscadornan, ora di inventariza e formularionan menciona, cu nan mes un pa un ta bay yena y entrega como nan contribucion na e contenido di Parke Marino, cu ta un beheersplan cu ta bay wordo crea pa dicidi kico ta posible y kico no.

El a bisa cu enfasis cu el a aclarea pa e piscadornan cu ningun momento so lo prohibi piscamento ni ta bay cobra tampoco. Locual si ta bay palabra hunto ta ki tipo di pisca y den ki temporada lo proteha y cualnan ta den extincion. Asina aki hunto lo crea e maneho di Parke Marino.

 

 

 

- Advertisement -

DUNA COMENTARIO

Please enter your comment!
Please enter your name here