Home Gobierno Minister Presidente conciente cu tin ambtenaarnan trahando bao hopi presion

Minister Presidente conciente cu tin ambtenaarnan trahando bao hopi presion

185
0
SHARE
- Advertisement -

ORANJESTAD (AAN) — Tin cierto preocupacion bao cierto ambtenaarnan cu pa motibo di salud ta tuma AO, no pasobra nan no kier traha sino pasobra e condicionnan di e edificio den cual nan tin cu funciona no ta adecua.

E trahadornan aki ta bao hopi stress mirando tambe cu gobierno ta tumando medida pa cu prestacion di servicio y cu e hecho di falta trabao por afecta nan den nan posicion y di otro banda nan semper ta bira malo pa, entre otro, humedad cu tin den e edificio.

Tocante esaki a puntra Minister Presidente y el a admiti cu e situacion di edificionan di hopi departamento di gobierno, ta laga di desea.

E dignatario a indica cu por ripara cu e propio trabao ta haci e trahador malo y esaki no ta aceptable. Recientemente mes, Minister di Husticia a bay atende cu asunto di un edificio cu gobierno ta huur pa su ministerio, cu tin schemel. E ora ey nan a sinta cu minister di infrastructura mirando cu tin algun caminda cu mester atende cu hopi urgencia.

E dignatario a admiti tambe cu como gobierno nan ta poniendo hopi presion riba e ambtenaar, pasobra nan no ta tuma mas personal den servicio y e trabao cu tin mester wordo reparti entre esnan cu tin. Tin hende cu ta bay cu pension, otronan cu ta kita, y no tur por wordo reemplaza, pues e trabao ta hopi y e presion ta hopi.

E mandatario a bisa cu gobierno mester duna su empleadonan e condicionnan basico pa nan funciona, pero lamentablemente tin situacionnan cu nan a hereda, y esaki ta un realidad. No obstante, Minister Presidente a expresa cu no por bay forza e trahador pa traha den condicionnan inadecua. Nan ta deliberando cu e docternan di SVb pa wak te unda ta responsable y te unda no. E ta un reto grandi y e ta spera di por atende cune pronto.

- Advertisement -

DUNA COMENTARIO

Please enter your comment!
Please enter your name here