Home Enseñanza Minister Rudy Lampe satisfecho con preparacion pa aña escolar nobo ta bayendo

Minister Rudy Lampe satisfecho con preparacion pa aña escolar nobo ta bayendo

14
0
SHARE
- Advertisement -

ORANJESTAD (AAN)—Minister di Enseñanza, Ciencia y Desaroyo Sostenible señor Rudy Lampe, a participa den conferencia di prensa gubernamental, Diahuebs mainta, unda el a hiba palabra.

Faltando algun dia pa Aña Escolar 2018-2019 cuminza, Minister Lampe a duna di conoce cu tur cos ta den full preparacion pa asina aki, por cuminza e aña escolar nobo na un manera ordena y organiza.

E dignatario a referi na varios aspecto cu el a señala den un conferencia di prensa anterior, cu ta den ehecucion caba.

Na Enseñanza pa Empleo (EPE) e registracion a bay hopi exitoso y compara cu e periodo anterior tin mas di dos mil inscripcion. EPE a habri un cantidad di curso nobo y e interes ta enorme.

Minister Lampe a subraya cu e ta aprecia cu pueblo kier sigui educa su mes pasobra esey ta importante pa hiba nos pais na otro nivel.

Pa loke ta regarda Middag Mavo y Avond Mavo y Havo tambe e registracion y interes ta grandi, di tal manera cu lo habri un periodo nobo dianan 22 y 23 di Augustus, pa esnan cu no a logra registra den e prime periodo por registra.

Relaciona cu infrastructura escolar, e mandatario a indica cu por mira cu e trabao ya ta cla pa cuminza na Colegio Frere Bonifacius, despues di siete aña cu a keda warda y awor por fin ta bira realidad cu lo cuminza cu e renovacion y e ta spera cu esaki lo ta e ultimo aña escolar cu e scol no ta den su edificio, locual a dura demasiado tempo.

Na San Nicolas tambe ya ta bezig cu Maria Regina Scol. A cuminza cu e trabaonan di renovacion y e ta e lugar na unda Colegio San Nicolas ta bay keda amplia, y ademas Middag Havo y Mavo lo wordo ubica akinan.

Mescos a cuminza cu instalacion di airconan den diferente scol. Esaki ta e prome fase y despues lo sigui cu esun siguiente na otro scolnan. Tambe Sint Franciscus College na Madiki, despues di 25 aña wardando pa asfalta cu speelklas a bira un realidad. E muchanan aworaki ta bay cuminza e aña escolar cu un anhelo cumpli despues di 25 aña di a haci e peticion. Esaki a bira mas urgente aworaki cu lo tin alumno riba rolstoel. E mandatario a expresa cu acento cu mester inclui na lugar di exclui, pasobra tur nos muchanan tin derecho riba enseñanza.

St. Aloysius School ta bay muda pa por cuminza cu e trabaonan di renovacion. E mandatario a haci un peticion na mayornan pa hiba nan yiunan na e VAD Gebouw unda e scol lo keda situa pa e aña escolar nobo aki. Ta bay tin un bus pa muchanan cu no tin e transporte, Minister Lampe ta pidi mayornan pa coopera y no baha nan yiunan na e edificio di St. Aloysius sino na VAD Gebouw pa nan por haya nan enseñanza mientras e trabao di renovacion di nan edificio tuma lugar.

Kayena Kleuterschool a haya su airconan danki na contribucion di sector priva y Ministerio di Turismo. Esaki ta parti di e trabaonan cu ta den ehecucion.

Encuanto e proceso di digitalizacion tambe lo drenta den e prome fase y pronto e mandatario lo amplia informacion tocante con e trabaonan aki lo keda realiza.

 

- Advertisement -

DUNA COMENTARIO

Please enter your comment!
Please enter your name here