Home Enseñanza Minister Rudy Lampe ta desea maestro, alumno y mayornan exito pa e...

Minister Rudy Lampe ta desea maestro, alumno y mayornan exito pa e aña escolar nobo

17
0
SHARE
- Advertisement -

Enfocando riba e maestronan pa vocacion:

ORANJESTAD (AAN) — “Na un manera silencioso nos ministerio ta trahando duro pa e calidad di enseñanza bay riba un otro nivel. For di awor caba nos kier desea nos maestronan tur clase di exito den e aña escolar nobo. Educacion ta depende di bo maestronan”.

Asina Minister di Enseñanza sr. Rudy Lampe a expresa, den conferencia di prensa di gobierno, Diahuebs mainta.

Dentro di algun dia, ya otro siman, e aña escolar 2018-2019 ta cuminza, y Minister Lampe no a keda sin expresa su mihor deseonan pa e maestronan, alumno y mayornan. Nan tur den preparacion pa asumi e reto. E dignatario a haci un observacion tocante e diferencia entre un maestro pa pago y un maestro pa vocacion, y a enfoca mas riba e ultimo aki cu ta mayoria di nos maestronan.

E dignatario a expresa cu “un persona por bira maestro pa vocacion of pa haya un salario. Mi sa cu mayoria di nos maestronan ta pa vocacion.

“E diferencia ta cu ora un persona bira maestro pa pago e ta wordo paga pa haci e trabao pero si e ta hacie pa vocacion e ta dispuesto pa paga pa haci loke e ta stima di haci”.

E mandatario a acentua y sigui bisa cu e sa cu hopi di nos maestronan ta duna di nan mes pa yuda e muchanan, e scol, y nan ta haci sacrificio personal y hopi biaha bao condicionnan no adecua. Pesey e ta desea nan tur clase di exito!

Minister Lampe a pone como ehemplo e logro exitoso di Filomena College cu a sali den top 1, entre e scolnan cu a haya un diploma, e porcentahe di alumno cu a slag ta debi na e vocacion di e maestronan cu riba Diasabra y Diadomingo tabata dispuesto na sacrifica nan tempo liber pa yuda nan alumnonan.

Tambe el a desea exito na tur e mayornan cu aworaki ta den preparacion pa nan yiunan por cuminza e aña escolar nobo y ta desea tur cos bon. Pa tur nos mucha y hobennan el mandatario a expresa “corda siña” y tambe a desea nan hopi exito.

- Advertisement -

DUNA COMENTARIO

Please enter your comment!
Please enter your name here