Home Gobierno Ministerio Publico a presenta na Minister su relato anual 2016

Ministerio Publico a presenta na Minister su relato anual 2016

28
0
SHARE
- Advertisement -

ORANJESTAD (AAN) –Recientemente, Ministerio Publico a presenta na Minister di Husticia, su relato anual pa 2016, unda nan ta duna un update pa loke ta trata diferente encuanto combatimento y prevencion di crimen.

Tambe a presenta e estrategia 2018-2022 pa loke ta trata e vision di Ministerio Publico pa e añanan aki, y tambe a presenta un documento di e plan anual 2018-2019 di Cuerpo Policial (KPA).

Esaki ta hopi importante, segun e mandatario, pasobra su predecesor no a duna transparencia ni ningun dato na Parlamento.

Pakico Parlamento ta pidi informacion? “Laga nos para keto un rato riba esey. Informacion y dato ta importante pa sa, por ehemplo kico ta e cifranan di 2016, con esaki a desaroya na 2017, y e añanan anterior y eynan por wak con e maneho ta desaroyando.

“Kico ta e cosnan nobo cu a bin acerca, kico por wordo mehora, optimaliza y asina bo ta ahusta. Si bo no ta traha a base di cifra y datonan eigenlijk bo ta gobernando ad-hoc. Pesey, mi ta gradici na prensa cu constantemente a keda pidi informacion, y parlamentarionan tambe a haci pregunta riba esaki, el a tarda un tiki, pero diligentemente nos a presenta e plan anual aki y e relato annual”, e dignatario a expresa.

El a agrega cu el a haya di Ministerio Publico e promesa cu den e proximo simannan nan lo keda cla cu esun di 2017 y esaki lo wordo presenta na Parlamento, y Cuerpo Policial tambe ta trahando riba mas update di dato y informacionnan cu nan tin pa sigui traha riba esaki y, sigui informa Parlamento.

 

 

- Advertisement -

DUNA COMENTARIO

Please enter your comment!
Please enter your name here