Home General Ministro ta mira cu e ehecucion di Presupuesto 2018 ta bayendo bon

Ministro ta mira cu e ehecucion di Presupuesto 2018 ta bayendo bon

21
0
SHARE
- Advertisement -

ORANJESTAD (AAN): Dialuna mainta durante conferencia di prensa Minister di Finansa, Asuntonan Economico y Cultura a repasa e rapport di CAft riba e cifranan di e di dos kwartaal di 2018. E mandatario a splica e contenido di e rapport y a duna un splicacion di e entradanan di impuesto cu informacion di Departamento di Impuesto y di Aduana. E rapport ta uno positivo y ta mustra cu Gobierno ta trahando na un manera serio pa recupera e credibilidad financiero di nos Pais.
Segun e mandatario pa hopi tempo CAft no tabata tin un carta asina positivo dirigi na gobierno di Aruba. Hopi biaha y sigur den e gobierno anterior CAft tabata pone den su cartanan den cual nan ta indica cu tin cosnan cu no ta realistico na momento cu ta entrega e presupuesto. Awor bo por mira cu e carta ta positivo cual ta señal cu nos ta recobrando e credibilidad financiero.

Minister Ruiz-Maduro ta informa cu a haci un esfuerso grandi pa traha un presupuesto realistico pa nos Pais den e poco tempo cu e gabinete aki ta na mando. Gobierno manera cu tabata pa e promer kwartaal a bolbe ricibi un conseho positivo di CAft riba e cifranan di e secundo kwartaal. Esaki kiermen cu e ehecucion di Presupuesto 2018 ta bayendo bon dentro di e cuadro financiero cu a keda fiha pa Parlamento.

Esaki ta un esfuerso di tur esnan envolvi cu ta duna di nan parti pa nos por recupera e credibilidad financiero di nos Pais. Hunto nos ta logra! Parlamento a ricibi e cifranan di e promer y secundo kwartaal hunto cu e cartanan di CAft y diahuebs awor gobierno lo ta den Parlamento pa responsabilisa y informa mas di e cifranan y e trabaonan cu ta worde haci.

 

- Advertisement -

DUNA COMENTARIO

Please enter your comment!
Please enter your name here